Breaking News :
  • NO BREAKING NEWS
LEBRON LO NO TA ESUN MAS BALIOSO PERO SI E MIHÓ SIUDADANO
2017-05-23 06:46:47 -
Deporte
0
397

E strea di Cleveland Cavaliers, LeBron James, ignorá den e votashon pa e Hungadó Mas Balioso (MVP di temporada a ser nombrá ganadó di e premio Mihó Siudadano, pa su kompromiso sosial den su siudat natal na Ohio. E tripel kampion di NBA, ku no a ser selekshoná riba e lista di e tres finalistanan pa e MVP, tabata kompetí den e kategoría aki di Mihó Siudadano ku Carmelo Anthony (New York), Jimmy Butler (Chicago), CJ Mc- Collum (Portland) i Zach Randolph (Memphis).  “LeBron ta rekonosé pa e trabou di su fundashon pa mehorá e oportunidatnan di e hobennan desfaboresé di Akron, su siudat natal”, NBA a bisa den un komunikado.“Su trabou ta ehemplar, e ta hasi un diferensha”, Josh Robbins, president di e Asosashon di periodistanan di NBA, ku ta vota pa e distinshon a bisa. Pa medio di su Fundashon, LeBron James Family, e kuater biaha Hungadó Mas Balioso, a mehorá oportunidatnan edukativo pa mas ku 1100 mucha di barionan desfaboresé den su siudat natal, entre otro inisiativanan. A entregá e honor dos dia despues ku e finalistanan di e mihó premionan individual di NBA a ser anunsiá i James no tabata entre e kandidatonan pa e título a pesar di liderá e liga den minütnan hungá i guia e kampionnan defensor di NBA den otro temporada fuerte. E basenan di Rockets, James Harden i di Thunder, Russel Westbrook i e delantero di Spurs, Kawhi Leonard a ser nombrá fi- nalista di MVP. 

TAGS :
Comments
Change  
Total 0 comments.
Other Deporte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.