Breaking News :
  • NO BREAKING NEWS
PRESENTASHON DI MULA PA BARIONAN NA LA TENTASHON
2017-06-12 07:13:13 -
Farandula
0
262

KÒRSOU – Riba 16, 17, 18, 23 i 25 di yüni, Teatro KadaKen ta duna su delaster presentashonnan di e obra MULA pa barionan di Montaña, Coronet/Monteverde, Sint Jago, Fleur de Mari, Kustbatterij, Otrobanda, Wishi/Marchena, Kanga/Dein, Santa Maria, Ser'i Papaya, Souax, Soto i Westpunt i tambe pa algun organisashon manera SEDA (Techno Future School i Flor di Hubentut), House of Esther, Bos di Hubentut i Sint Antonius Groep. Reda Sosial a hasi e presentashonnan akí posibel. Pa mas informashon di presentashonnan pa bario, habitantenan por tuma kontakto ku nan sentro di bario òf e organisashon konserní.

Den e presentashonnan akí tin un kantidat di karchi limitá pa públiko general, optenibel solamente na Mensing's Caminada, na balor di ANG. 27,50. No ta bende karchi na porta!

MULA, skibí i aktuá pa Albert Schoobaar, ta un obra profundo tokante un di e dékadanan mas sukú den historia resien di Kòrsou, den kua gulidó di bolita tabata yena sala di salida na Hato i tabata riska nan bida pa skapa di pobresa, paga debe òf festehá. Ku su promé obra solo, Schoobaar ta duna tur ku e tin pa demostrá su talentonan variá na públiko. Su aktuashon habrí i direkto ta toka kuèrdè emoshonal i delikado; un ‘wake-up call’ pa e generashon aktual i esnan di futuro. Riba 16, 17 i 23 di yüni e funshon ta kuminsá 8or di anochi. Riba 18 i 25 di yüni e ta kuminsá 6or di atardi.

‘Mike ta kla. E ta wardando. Awe e ta desvelá e monumentu MULA: prohibí pa lubidá. Su lema ta: “Si nos lubidá pasado, nos a kue awa!” Mike ta konta di e tempu ku e tabata mira krueldat den wowo di hende. E tempu ku e orkan di droga, atrako i likidashon tabata ras riba Kòrsou i laga atras un laster di destrukshon. E ta konta di e siguiente orkan, e tormenta ku ya yegando i ku nos no ta kla p’e. E úniko kos ku por salba nos ta nos memoria.’

MULA ta e di sinku obra di Teatro KadaKen. E obra ta bou di direkshon di Milushka Birge i Schoobaar mes. Anteriormente KadaKen a presentá Bos di Nos Pueblo (2015-2016), E Balada di Plùisje (2014-2015), Tisha (2012) i E Dekonstrukshon di Edsel K. (2009). Teatro Kadaken ta konosí pa su obranan spièrtu ku ta toka temanan tabú i aktual. Na un manera humorístiko ta tribi di wak nos realidat di un otro banda. E obranan ta hasi un impreshon profundo riba públiko i hende ta keda kòrda nan pa hopi tempu.

Banda di e funshonnan habrí, ta presentá MULA pa skolnan sekundario, akompañá pa un programa edukativo. MULA ta posibel danki na sosten finansiero di Het Fonds Podiumkunsten, BankGiroLoterij Fonds i Prins Bernhard Cultuurfonds Caribisch Gebied. Reda Sosial ta hasi MULA posibel pa barionan i organisashonnan. Pa mas informashon di presentashonnan pa bario, habitantenan por tuma kontakto ku nan sentro di bario òf e organisashon konserní.

MULA ta adekuá pa adulto i hoben for di 12 aña di edat. E último presentashonnan ta tuma lugá riba 16, 17, 18, 23 i 25 di yüni na La Tentashon. Riba 16, 17 i 23 di yüni e funshon ta kuminsá 8or di anochi.
Riba 18 i 25 di yüni e ta kuminsá 6or di atardi. 

TAGS :
Comments
Change  
Total 0 comments.
Other Farandula News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.