Breaking News :
  • NO BREAKING NEWS
Siña landa den 5 siman na Pisina Bennie Leito
2017-06-26 06:59:31 -
Deporte
0
240

Willemstad - Durante di fakansi benidero, FDDK ta brinda nos muchanan entre 5 pa 14 aña e oportunidat pa siña landa i pasa nan èksamen pa diploma A òf B den apénas 5 siman na Pisina Bennie Leito, loke ku normalmente lo dura mínimo 3 luna. E lèsnan ta kuminsá djaluna dia 10 di yüli i terminá djabièrnè 11 di ougùstùs próksimo. Dianan 14 pa 18 di ougùstùs lo tin lèsnan èkstra p’asina ta mihó prepará pa por pasa èksamen djadumingu 20 di ougùstùs .

Dianan di lès ta djaluna, djamars, djaweps i djabièrnè di 8or pa 9or di mainta òf di 9or pa 10or di mainta. Kostonan pa e lès ta solamente fl. 120,- mas fl. 15,- pa èksamen. Laga nos muchanan siña landa serka profeshonalnan i risibí nan diploma rekonosé. Pa mas informashon i/òf inskripshon, por tene kontakto ku Pisina Bennie Leito. Kòrda ku por sigui FDDK riba su Facebook, www.facebook.com/DeporteKorsou.

Riba potrèt: E último grupo di muchanan di skol ku a pasa nan èksamen pa diploma A resientemente. Di un grupo di 41 hoben ku a sigui lès, 2 no a presentá i tur sobrá a pasa nan èksamen ku éksito!
 

TAGS :
Comments
Change  
Total 0 comments.
Other Deporte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.