Breaking News :
  • NO BREAKING NEWS
2 hòmber detené pa ladronisia
2017-06-26 19:19:47 -
Polisial
0
315

Djaluna 26 di yüni 2017, alrededor di 8.20 or, Sentral di Polis a risibí yamada di un kaso di ladronisia di un outo ku a kaba di tuma lugá dilanti di un krèsh na Sta. Maria. Mesora a dirigí un unidat polisial na e sitio. Na yegada di e patruya na e sitio, doño di e outo hòrtá a deklará na polis ku el a kaba di parker e outo un ratu promé pa e hiba su yu na e krèsh menshoná. Ora ku el a regresá pa drenta den su outo ya esaki no tabata na e sitio. Di personanan na e sitio el a komprendé ku un suheto a bai ku e outo, apesar ku esaki tabata será i di lòk. Durante un investigashon e agentenan a bin haña e outo na un kas na Saffierweg i banda di e outo aki tabatin un otro outo di e mésun marka, polis a konfiská ámbos outo. En konekshon ku esaki polis a detené dos hòmber sospechoso ku tabata skondí den un mondi tras di un kas den Rubiweg. Un di nan a keda detené riba Diamantweg i e otro djis despues ku el a sali for di e mondi. Ta trata di e dos hòmbernan sospechoso:

• Sh.R.F.P. di 20 aña di edat i
• J.A.B. di 21 aña di edat, ámbos nasé na Kòrsou.

E duo a keda presentá dilanti di un fiskal ouksiliar ku a ordená enkarselamentu di J.A.B. pa mas investigashon i Sh.R.F.P. por a bai kas despues di interogashon.

      
TAGS :
Comments
Change  
Total 0 comments.
Other Polisial News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.