Breaking News :
  • NO BREAKING NEWS
Entrante 17 di yüli 2017 tin kambio di servisio pa reibeweis
2017-07-12 09:39:59 -
Lokal
1
3390

Willemstad - Ofisina di Asuntunan Públiko di Gobièrnu di Kòrsou ta partisipá ku entrante 17 yüli próksimo, Departamentu di Reibeweis ta ofresé tur servisio atministrativo for di e lokalidat na Roodeweg 42 (mihó konosí komo Kranshi). Solamente e parti di èksamen pa reibeweis lo keda Sta Rosaweg. Esaki ta inkluso tur e rekesitonan ku mester pa por pasa èksamen.

Apesar ku for di 10-10-2010 Registro Sivil (Kranshi) i Departamentu di Reibeweis ta forma Ofisina di Asuntunan Públiko, te ku awor kada departamentu a keda brinda servisio for di nan mes lokalidat.

Gobièrnu di Kòrsou den su afan pa duna aún mas mihó servisio na públiko, lo traspasá e servisionan atministrativo di reibeweis na Sta.Rosaweg entrante di 17 yüli próksimo p’e lokalidat di Kranshi na Roodeweg 42. Banda di esei entrante e fecha menshoná lo mester traha sita pa algun servisio. Manera den kaso di pasport i sédula, mester traha sita via e website di gobièrnu (www.gobiernu.cw) òf por pasa na Bentana di Informashon pa traha e sita. Ta trata di servisionan manera entrega i renobashon di reibeweis, duplikado di reibeweis, reibeweis internashonal, reibeweis temporal, kambio pa reibeweis estranhero, registrashon di reibeweis, uittreksel i demas dokumentu atministrativo.

E servisionan ku lo keda n’e lokalidat na Sta Rosaweg ta e parti di èksamen ku ta enserá eksámen teorétiko i práktiko relashoná ku reibeweisnan pa outo i demás tipo di vehíkulo motorisá.

Relashoná ku kambio den e servisio, Departamentu di Reibeweis na Sta Rosaweg lo sera for di djaweps 13 yüli 2017 pa 12’or di mèrdia i djabièrnè 14 di yüli 2017 tambe lo ta será henter dia pa públiko.
Entrante djaluná 17 di yüli 2017 Ofisina di Asuntunan Públiko lo sigui brinda servisio na públiko teniendo kuenta ku e kambionan menshoná. Pa mas informashon por tuma kontakto ku Bentana di Informashon via 0800-1515, 433-3123 of por pasa pèrsonal na Saliña 127. 

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.