Breaking News :
  • NO BREAKING NEWS
Cooper : Di Pushi SI, di miaoo NO.... ?
2017-09-08 06:56:24 -
Breaking News
0
92

Frakshon di MFKa keda asombra kon minister a bai den Penstraat pa tuma nota di e situashon di un projekto turístiko di un YU DI KORSOU pa wak si ta bash’e abou of e ta keda para.Mientras minister por a pasa na Pietermaai mesora i wak tantisimo violashonnan ku kuementu di tereno i konstrukshonnan inlegal ku Hulandesnan Europeo a kometé den Pietermaai. Ta fresku den nos memoria kon den kaso di Pietermaai 30, Hues a dikta sentensia ku mester basha un konstrukshon inlegal  abou i bo antesesor NO a bash’e abou. Anto di un YU DI KORSOU ku tin un projekto turistiko na Penstraat SI ela tuma desishon pa bash’e abou, sin sikiera tabatin un desishon di korte. Kiemen di Pushi SI,pero di MIAOO NO.

Nos di MFK ta sali for di e punto di bista ku Turismo ta e pilar ekonómiko mas importante di nos Pais. I nos mester kuida e pilar aki mas tantu posibel, pasobra ta e pilar Ekonómiko aki ta produsí e sèn ku ta drenta nos Pais pa mantené un bon balanse di pago di Kòrsou.  Pues e sèn ku ta drenta nos ekonomia ku nos tur por porbechá di dje pa kumpra tur nos kosnan ku nos mester.

 

Den e kuadro aki, nos tin nos kosta súr (zuidkust) ku Dios a bendishoná nos kun’e, kuta brinda nos ku awanan trankil kristalino, dushi pa landa i rekrea, ku un bista impreshonante riba laman Karibe. Esaki ta algu ideal tantu pa nos lokalnan, komo turistanan ku ta bishitá nos isla. Nos di MFK ta di opinion ku mester optimalisá nos kosta súr (zuidkust) pa mas tantu hende posibel por disfrutá di dje. Tantu nos hendenan lokal, pero tambe Turismo.

 

Pesei nos no por komprondé kon un gobernante drechi, por hinka den su kabes pa tuma un desishon pa basha un projekto turístiko abou. Anto pa kolmo di un Yu di Korsou. Anto djis un par di meter mas abou kaminda ku hues a dikta sentensia pa basha un edifisio konstruí inlegal abou di un Hulandes Europeo, esei si e no ta basha abou.

Hasiendo uso di artikulo 96 di reglamentu di orden nos ta hasi minister Jesus-Leito e siguiente preguntanan:

 1.      Minister ta di akuerdo ku Frakshon di MFK ku Turismo ta un pilar importante pa desaroyo ekonomiko di nos pueblo ?

 2.      Minister ta di akuerdo ku, mas bien, nos mester sigui duna impuje na desaroyadó nan pa bini ku projektonan turístiko ku produsí kuponan di trabou pa yunan di Kòrsou ?

 3.      Minister ta kompartí e opinion di Frakshon di MFK ku nos kosta súr (zuidkust) mester por ser kompartí ku mas tantu hende posibel por disfrutá di dje ?Pues tantu nos hendenan lokal, pero tambe turistanan ku ta bini ku e sèn pa gasta den nos Pais.

 4.      Minister ta na altura ku atraves di añanan Hulandesnan Europeo a kue terenonan di gobièrnu i konstruí inlegal den area di Pietermaai i ku hasta Hues a dikta pa basha un edifisio abou i ku gobièrnu te ku awe no a bash’e abou ?

5.      Minister por informá Parlamento dikon Gobièrnu kier basha esun di e YU DI KORSOU SI abou i di e Hulandes EuropeoNO ?

6.      Minister por informá Parlamento ta kuantu hende tin kontra di e projekto di e Yu di Kòrsou aki den Penstraat ? Paosbra nos a kompronde ku ta un bisiña ta kontra i ta hasi komo sifuera ku ta masha hopi hende ta kontra. Ta nan so ke biba ? Zuidkust ta di nos tur i ta nos tur mester por disfrutá di dje.

7.      Minister por manda pa Parlamentu konsehonnan aktualisá di tantu Buro DomeinBeheer, komo di R.O.P. riba e kaso ku minister a bai wak na Penstraat resientemente ? Nos ta pidi esunan aktualisá, pasobra nos tur sá kaba kon e hefe anterior di R.O.P. su opinion tababa.

Frakshon di MFK ta spera ku minister Jesus-Leito ta un minister di KONSTRUI kos bon pa nos pueblo. NO un minister di basha kos abou. Pues nos di MFK ta spera ku minister sá di laga e balanse pisa mas tantu den produsí kuponan di trabou pa nos pueblo, enbes di bai tras di un grupito chikitu barika yen, kuke  mira nos pueblo sigui bira mas pober.

 

Atentamente,

 

 

TAGS :
Comments
Change  
Total 0 comments.
Other Breaking News News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.