Breaking News :
  • NO BREAKING NEWS
Kran grandi a bai for di hospital nobo
2017-09-08 07:14:05 -
Lokal
0
2087

WILLEMSTAD – Den e último dianan a kita e kran inmenso ku tabata usa pa konstrukshon di e hospital nobo; a desharm’é i hink’é den konteiner pa despues bark’é pa Hulanda. Esei ta un señal ku a finalisá e trabou rudimentario di e konstrukshon na e proyekto di HNO i ku awor ta fiha tur atenshon pa akabá e tarea i pa e konstrukshon mas rafiná. Esei ta otro logro den realisashon di e proyekto aki sin presedente na nos isla.

 

Durante bastante luna e kran di toren aki entre otro a determiná e bista riba Otrobanda. Simplemente no por a keda sin mira e monstruo aki di 55 meter haltu. Awor Ballast Nedam a laga desharmá e kran fiho aki. Pa esei nan mester a kontratá un otro kran di 300 tòn. Pida pa pida a lòs e diferente piesanan pa despues warda nan den konteiner ku awor nan ta barka bèk pa Hulanda. E potrètnan ta duna un impreshon di e trabou grandi ku a ehersé pa kita e kran gigantesko for di e sitio di konstrukshon. Tin ketu bai un otro kran na e sitio. Esaki ta un kran móbil mas chikitu ku ta move riba banda di trakshon.

 

 

En seguida e prinsipal ehekutor SONA i e prinsipal kontratista Ballast Nedam ta organisá djasabra dia 16 di sèptèmber un siguiente dia habrí kaminda ta duna públiko e oportunidat pa mira kon e trabou di konstrukshon di e hospital nobo ta progresá. Entre 9 or mainta i 1 or mèrdia e hendenan mes por bin tira un bista kaminda lo duna tambe e splikashon nesesario.

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.