Breaking News :
  • NO BREAKING NEWS
Curtley Obispo ke sa di Makutu Básiko
2017-09-08 07:28:27 -
Lokal
0
119

E areglo di Makutu Básiko di 31 ougùstùs 2012 (PB 2012 no. 52) ta un ministeriële regeling ku ta regla segun e memoria di aklarashon un Makutu Básiko di produktonan entre otro di kuminda, artíkulo di limpiesa i artíkulo di kas ku ta nesesario pa un kas familiar. Tambe e memoria di aklarashon ta indiká ku dor di regla un márgen máksimo pa e groothandel i e detailhandel/kleinhandel aki na Kòrsou, ta logra pa produktonan menshoná den e Makutu Básiko ta bira pagabel pa persona ku un entrada minimal i asina evitá ku dor di preisnan ku ta subi riba merkado internashonal e forsa di kompra di e persona ku entrada mínimo ta sigui baha.

Pa ami komo parlamentario ta masha importante den kuadro di mi trabou komo parlamentario i representante di pueblo di Kòrsou pa sa: (1) si tabata tin evaluashon di Gobièrnu nan di Kòrsou over di e periodo 1 sèptèmber 2012 te ku 28 mei 2017 pa loke ta trata e Makutu Básiko, (2) kon e kontròl nan di Ministerio di Desaroyo Ekonómiko (MEO) ta kanando den aña 2017 pa loke ta trata e Makutu Básiko i (3) ki ta e plannan di Gobièrnu di Kòrsou pa pueblo di Kòrsou pa loke ta trata e Makutu Básiko.

 

Mirando ku Makuto Básiko ta un ministeriële regeling basa riba artíkulo 2 di e Prijzenverordening 1961, zoals gewijzigd (P.B 1961 no.117), mi ta aserka sr. minister Steven Martina ku e siguiente preguntanan, hasiendo uso di mi derecho komo parlamentario pa  hasi pregunta i petishon di dokumento/informashon konforme artíkulo  96 di Reglamentu di órden  di Parlamento di Kòrsou:

(1)    Tabata tin evaluashonnan over di e periodo 1 sèptèmber 2012 te ku 28 mei 2017 di e Regeling Makutu Básiko di 31 ougùstùs 2012 konsiderando ku preisnan di komestibel a subi durante e periodo aki? Si ta si e kontesta ta, mi tabata ke sa ki tabata resultado di evaluashonnan aki?;

(2)    Si no tabata tin un evaluashon di e Regeling Makutu Básiko over di e periodo 1 sèptèmber 2012 te ku 28 mei 2017, minister tin un evaluashon planeá?;

(3)    Pa loke ta trata e aña 2017 mi tabata kier sa pa luna kuantu kontròlnan di MEO tabata tin riba loke ta trata e Regeling Makutu Básiko. Kuantu i ki tipo di infrakshon nan a wòrdu konstatá durante e kontròlnan di aña 2017 pa loke ta trata e Makutu Básiko? Mi kier a risibí e informashon di kontrolnan hasi dor di MEO dividí den kontròlnan dirigí riba  groothandel i kontròlnan dirigí riba detailhandel/kleinhandel; 

(4)    Pa loke ta trata e aña 2017 tabata tin publikashon dor di MEO di e tabèl di Makutu Básiko ku ta menshoná den e MinisteriëleRegeling Makuto Básiko, pa asina nos pueblo ta bon informá i bon na altura di e kontenido di e Makutu Básiko?. E publikashon aki ta pa luna òf ta pa kuartal? Si ta si e kontesta ta,  lo mi kier a risibí e publikashon nan aki? Si ta no e kontesta ta kon minister ta bai sòru pa nos pueblo di Kòrsou keda bon informá i bon na altura di e Makutu Básiko?

(5)    Ki ta e number nan di telefòn ku pueblo di Kòrsou por yama i hasi un denunsia na momento ku konstatá un infrakshon/un preis mas haltu ku ta bai kontra di e Makutu Básiko? Tin kampaña di informashon kanando dor di MEO pa ku e number di telefòn aki?

(6)    Mirando e echo ku a saka flouride for di awa di bebe produsí dor di Aqualectra, minister tin plannan pa hinka pasta di djente i otro produktonan pa protekshon di djente i higiena dental den Makutu Básiko?

 

(7)    Ki ta e plannan pa futuro di minister pa loke ta trata e regeling Makutu Básiko di 31 ougùstùs 2012 (PB 2012 no. 52)? Minister tin plan nan pa revisá/adaptá òf amplia e Makutu Básiko?. Kon minister tin pensa di kana e proseso aki di revishon/adaptashon?

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.