Breaking News :
  • NO BREAKING NEWS
Gobernador di Florida a pidi tur hende pa evakuá: “Esaki ta pió ku Andrew!”
2017-09-08 07:33:21 -
International
0
308

Fin di e siman aki e estado di Florida lo ta menasá pa Irma, tantu na e Keys komo sur di e península. Segun e Sentro di Orkan merikano “E menasa di impakto dirèkt di orkan na Florida ta pa e fin di siman aki i lo sigui oumentá otro siman, ounke ku e lo por baha na kategoria 4”.

Sektornan amplio di e kondadonan di Miami-Dade i Broward, sur di Florida, a haña orden di evakuashon obligatorio. Esnan spesialmente afektá ta e zonanan abou i na kosta i islanan manera Miami Beach i Key Biscayne entre otro. E Departament di Imigrashon a indiká ku e lo no realisá redada en buska di imigrantenan ilegal den e zonanan ku potenshalmente lo ta afektá pa Irma.

 

Pániko entre habitantenan di Florida

Segun orkan Irma ta yegando Florida, habitantenan di e estado ta yen di miedu pa e efekto desastroso ku e tormenta lo por tin, i nan preokupashon ta oumentá pa falta di material, kuminda, awa i kombustibel den e tiendanan.

Gruponan lokal i munisipalidatnan ta reprogramando, kanselando evento i sera lugá promé ku yegada di e orkan poderoso.

A sera skol, ofisinanan di gobierno i parkenan for di ayera te otro aviso. Igualmente kortenan di hustisia estatal ku tambe ta será.

Universidat Internashonal di Florida i Universidat di Miami a kanselá nan klasnan meskos ku e Universidat Sint Thomas. E Universidat di Miami a pidi su studiantenan pa trata na evakuá for di sur di Florida mas lihé posibel.

Ademas a kanselá tur partido i práktikanan di deporte, meskos ku eventonan den aire liber i a sera tur parke, museo i aeropuerto.

Outoridatnan a ordená e evakuashon di e zonanan di kosta di Miami i for di ayera  alrededor di 100.000 habitante mester bandoná nan kas.

 

No tin yudansa pa esnan ku nó evakuá The Keys

Hefe di polis di Key West, Donnie Lee, a publiká e siguiente atvertensha pa e habitantenan:

-Ta importante pa henter e poblashon di The Keys sali bai entre djaweps i djabièrne.

-El a ekspresá preokupashon: hopi hende a bai pero ainda falta.

-Tur hospital a sera ayera na e Keys i esun di Key West lo sera awe.

-Lo no tin helikòpter pa trasladá e heridonan.

“Nos no por forsa nan, nos ke pa nan bai, lo no tin servisio médiko, pagadónan di kandela ni polis. Tin servisio di konvoi (hendenan sin kas mester bai ku nan) pa akudí na e refugionan di Florida International University na Miami”, el a agregá.

 

 

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.