Breaking News :
  • NO BREAKING NEWS
Kid’s designer Runway Show na PWFC
2017-09-11 09:24:33 -
Farandula
0
467

E show di moda aki ta premirá di bira un show di moda úniko, kaminda 18 modelo entre 4 pa 11 aña lo haña e oportunidat di demonstrá nan famia i konosínan kiko tur nan a siña durante nan lèsnan di Kim Brown Models. 

Na febrüari 2017, modélonan a inskribí pa kuminsá haña lès di modelage, kua nan a inkluí entre otro pasarela, postura, posing i photoshooting.

Komo parti di nan pakete di lès, modelonan a haña un photoshoot serka Theo Meijer na Avila Beach Hotel kaminda nan por a ehersé tur loke nan a siña durante nan lès di posing.

Tambe modelonan a haña un klas di fitdance serka Kim Emnes, unda nan a hasi diferente ehersisio kombiná ku baile.

Banda di a siña hopi, e modelonan a sa di krea amistatnan nobo , haña diferente oportunidat pa modelá pa otro shownan i pasa tempunan ameno huntu.

Durante e Kids Designer Runway Show, e modelonan lo modelá pañanan diseñá spesialmente pa e show di moda aki kaminda ku 3 diseñadó bibá na Kòrsou a traha pañanan eksklusivo pa e show .

Nos diseñadónan ta  Inonge Anandala van Wetering di Inonge’s Fashion and Designs , Norrelly Girigorie di Jazmae’s Bows i Kimley Penniston di Designs by Kim Brown. Kada un diseñadó tin un estilo diferente, loke lo trese un show úniko i ku hopi variashon.

Djadumingu awor 17 di sèptèmber lo transformá edificio di PWFC den un runway estilo internashonal di  5or pa 7or. Na final di e show modelonan lo risibí nan sertifikado di  lès básiko di modelage di Kim Brown Models, ku oportunidat pa nan bai ‘advanced’.

 

Pa mas informashon tokante e show por bishitá Kim Brown Models riba Facebook òf manda email na kimbrownmodels@gmail.com.

 

TAGS : show di moda runway show PWFC
Comments
Change  
Total 0 comments.
Other Farandula News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.