Breaking News :
  • NO BREAKING NEWS
Speedfiniti Magazine ta riba merkado
2017-09-11 09:27:29 -
Farandula
0
498

Speedfiniti Magazine ta un revista nobo ku ta bai trata di tur lokual tin di haber ku motor i speed. Boto, outo, avion, Seadoo, drone, etc., ta optenibel den e revista nobo Speedfiniti. E promé edishon a keda lansá djasabra último  9 di sèptèmber. E lansamentu a bai kompañá ku un Car & Bike show.

Mayoria di e outo, bròmer i dronenan ku tabata presente na eshow, lo ta den e promé 2 edishonnan. E show a konta ku outonan di kaya, drag, drift, dragsters i outonan eksótiko manera BMW, Mercedes Benz, Corvette, Lexus i Altezza. Tambe a presentá bròmernan di kaya i drag, racing drone club, RC cars. E spònsernan tambe tabata presente pa ofresé nan produkto- i servisionan na e públiko ku a akudí na e show.

Speedfiniti Magazine ta un revista ku lo bai tin informashon di eventonan den futuro pero tambe eventonan ku a pasa tantu lokal komo internashonal. Entrevista ku koredónan di drag, teamnan di outo di kaya, doñonan ku outo modifiká, bròmer di kaya, Harley Davidson, entrevista ku spònsernan, mekániko, Car detailers, spuitdó di outo i patrosinadónan di evento lokal i internashonal.

Speedfiniti lo sali kada 2 luna ku lo ta un total di 6 biaha pa aña. E promé edishon tin 32 página yená ku informashonnan di Kòrsou, Aruba, Hulanda, Merka i Puerto Rico. Den e di 2 edishon lo tin tambe informashon di Bonaire.

Speedfiniti ta optenibel na balor di 10 florin na Kuzeta, Beep Beep Rio i algun sitio mas ku lo ta pendiente. Na Aruba lo e wòrdu bendí na Mindo Tire Shop i na Hulanda na Power Wheels Amsterdam.

Pa mas informashon por bai riba e página di Facebook: SpeedFiniti Magazine i Instagram: Speedfinitimagazine. E emailadres ta Speedfinitimagazine@gmail.com òf na numbernan di telefon 687-6015 i 679-7927.

 

TAGS : Speedfiniti Magazine
Comments
Change  
Total 0 comments.
Other Farandula News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.