Breaking News :
  • NO BREAKING NEWS
Betesda, SGR-Groep i Kas Bruder Pius ta bai konsierto “Nunka Entregá”
2017-09-18 09:11:29 -
Farandula
0
678

Un gesto úniko i bunita ku no sa sosodé masha ta e echo ku kompania- i/òf fundashonnan ta yuda gruponan di nos hobennan, nos grandinan, personanan deshabilitá ku ta kliente òf habitante di un instituto i na mes momentu tambe Shamiro Anita p’e por sigui desaroyá su músika kantando kantikanan positivo ku palabra di Dios.

Esaki ta loke a tuma lugá na momentu ku ACOYA Hotel Suites & Villas, Japan NV/ Smart Home., Fundashon Bon Intenshon i CFSS a disidí di yuda un grupo grandi di habitantenan di Betesda i klientenan ku ta forma parti di SGR-Groep i Kas Bruder Puis pa nan por bai wak e konsierto & Show di Shamiro Anita, titulá “Nunka Entregá”.

 

ACOYA ta konosí pa su proyektonan bunita i eksklusivo di apartementonan i Villa’s na Korsòu. Japan NV/Smart Home tambe ta hopi gustá i konosí pa su porta ku bentanan i tur kos pa kas ku negoshi di kalidat na bon preis. CFSS BV ta ofresé tur kos pa detektá i paga kandela outomátikamente i  kos di seguridat pa protegé kas- i negoshinan. Fundashon Bon Intenshon tambe ta konosí pa su bon intenshonnan hasí pa nos komunidat.

 

Varios ta e institútonan ku ta forma parti di SGR-Groep. Betesda ta e instituto ku ta kuida nos hendenan grandi ku dishabilidat i Kas Bruder Puis ta yuda nos hobennan.

Normalmente ta hopi difisil pa e personanan aki por bai presensiá un konsierto di e magnitut aki sin yudansa finansiero. Ahinda ta buskando mas spònser i/òf donashon pa mas gruponan di mucha, hende grandi i personanan deshabilitá por bai e konsierto.

 

E Gran Konsierto aki lo tuma lugá djasabra 30 di sèptèmber próksimo den International School kuminsando 7.30 di anochi. Ta trata di un show espektakular pa henter famia disfrutá di dj’e. Lo tin diferente artista invitá di Kòrsou, Venezuela i Sto. Domingo. Shamiro mes ta gradisí Dios na promé lugá i ta manda un danki yená ku hopi bendishon na tur ku a i ta yudando.

Ku yudansa di spònser i donashon e konsierto ta bira posibel i lo duna oportunidat na tur presente pa gradisí i alabá Dios den un ambiente bendishoná.

Karchinan ta bayendo lihé i ta optenibel na Mensing’s, Tik Tak, Beep Beep, Kas di Beibel, 24 Uur Uit de Muur òf via Tel 5622233. Preis di karchi ta solamente fl.35,--

 

Riba e potrèt por mira representante di Acoya i Japan N.V. entregando  karchinan dje konsierto “Nunka Entregá” na e klientenan i empleadonan di Betesda i “SGR-Groep”, den kompania di Shamiro Anita.

 

 

TAGS :
Comments
Change  
Total 0 comments.
Other Farandula News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.