Breaking News :
  • NO BREAKING NEWS
Islanan di Karibe atrobe bou di menasa serio di tormenta tropikal Maria
2017-09-18 12:35:27 -
International
0
130

Outoridatnan di Karibe a emití un vigilansha di orkan pa Antigua, Barbuda, St. Christopher, Nevis i Montserrat. Entre djarason i djaweps Maria lo por yega Puerto Rico.

No muchu dia pasá Irma a kastigá Puerto Rico komo orkan di kategoria 5 lagando tres morto i un kantidat di daño material. Awor tormenta tropikal Maria ta bayendo direktamente riba e isla i ta un menasa serio, segun atvertensha di e gobernador Ricardo Roselló.

Den deklarashon na prensa, Roselló a alertá riba e nesesidat di prepará pa motibu ku Maria por bira un orkan di kategoria 1 òf 2 i ta proyektá masha hopi áwaseru.

Segun e Sentro Nashonal di Orkan (NHC), e tormenta nobo aki lo por fortalesé, bira orkan i yega Antia awe nochi, miéntras ku ta sper’é na isla Hispañola i Puerto Rico djarason i djaweps awor.

I no solamente Puerto Rico. Ademas di a emití vigilansha di orkan pa e islanan ariba menshoná, tambe a publiká un vigilansha di tormenta pa e islanan di Martinique, Guadaloupe, Sint Lucia, Dominica, Sint Maarten,  Barbados i Sint Vincent and Grenadines.

Dominica i Guadeloupe lo por ta esnan promé ku sinti forsa di orkan, probablemente kategoria 1. Otro islanan lo sinti efektonan di forsa di un Tormenta Tropikal nort i sur di e islanan aki, komo ku Maria ta un sistema ku impakto for di su sentro. Sint Croix mester prepará pa un kategoria 2 i medio 3 ku un gòlpi dirèkt. St. Thomas, St. John i Islanan Vírgen Britániko lo sinti bientunan di Tormenta Tropikal ku ráfaganan di orkan. Tur kos ta dependé tambe di kambionan serka Mama Naturalesa.

E ‘vigilansha di orkan’, emití pa NHC ta nifiká ku e islanan bou di alerta lo sinti efektonan di e tormenta dentro di 48 ora. Den e mesun periodo, e otronan lo sinti bientunan ku forsa di tormenta tropikal di a lo ménos 75 mia pa ora.

E sistema nobo aki ta menasá un region ku a ser fuertemente gòlpiá mas ku un siman pasá pa orkan Irma, ku a laga 38 morto (di un total di 59 kontando esnan na Merka) i dañonan enorme riba e islanan di Sint Maarten, St. Barths, Guadaloupe i Virgin Islands merikano i britániko.

Ademas el a proboká morto di un mucha di dos aña i evakuashon kompleto di e isla di Barbuda, riba kual 1400 persona tabata biba i ku a resultá totalmente destruí pa e orkan.

 

E di 15 depreshon tropikal di e aktual temporada di orkan di Atlántiko, ku a forma djasabra pasá, a fortalesé den e último oranan i bira tormenta tropikal Maria, ku awe por yega na e kategoria di orkan.

TAGS :
Comments
Change  
Total 0 comments.
Other International News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.