Breaking News :
  • NO BREAKING NEWS
Desaroyo di Waaigat lo bira realidat
2017-09-18 12:39:30 -
Lokal
0
1808

WILLEMSTAD.- Ban drecha skolnan, ban traha un karetera pa Banda Bou i Banda riba. Ban drecha nos Kòrsou pa lanta nos ekonomia. Drechando nos pais tur hende tin benefisio. Esaki ta palabra di Eduard “Eddy” De Kort a splika ku den un aña e proyekto di Waaigat por ta kla i lo no kosta mas ku 5 mion florin.

Gobièrnu di Kòrsou a rekonosé Eduard “Eddy” de Kort kende for di 1995 a inisiá ku e plan pa drecha Waaigat. Minister Steven Martina kende ta enkargá ku desaroyo ekonómiko tabata presentá na e sitio momentu ku a honra sr. De Kort.

Martina a splika ku kada logro grandi ta kuminsá ku un soño i si bo soña i kere den dje bo por realis’é. E soño di Eddy de Kort ta kana pa desaroyá e área aki. De Kort no a hasi esaki wardando riba gobièrnu sino ku sektor privá pa hasi esaki huntu ku gobièrnu. CPA ta esun ku lo enkargá su mes ku e desaroyo aki pa yega na e vishon ku sr. De Kort tabatin. E minister a splika ku alrededor di 15 aña pasa momentu ku e tabata direktor di Aqualectra i a traha un planta na Sant Barbara. Na e momentu ei a sobra algun pipa. Na e momentu ku a terminá a sobra algun pipa i for di e tempu ei a bini ku e magnífiko idea pa entrega e pipanan na sr. De Kort a pa e proyekto di Waaigat.

Martina a gradesí e bankero pa a inspirá Kòrsou ku su soño i di parti gobièrnu lo duna e kontribushon nesesario pa Kòrsou por disfrutá di nos naturalesa. A entregá sr. de Kort un plaka di mérito yamando danki pa su esfuersonan hasi for di 1995.

 

Na mes momentu minister presidente Eugene Rhuggenaath a splika ku bastante aña pasa el a sinta ku sr. De Kort kende a pinta su soño pero awe esaki ta soño di un pueblo. E soño aki lo keda realisá segun pasonan ta kana. Gobièrnu lo hasi su parti den infrastruktura i lo krea un brùg Waaigat ku Pietermaai. Rhuggenaath kier pa stimulá mas aktividat den e parti aki di sentro di suidat.

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.