Breaking News :
  • NO BREAKING NEWS
Curaçao Ports Authority ta apoyá Dianan Marítimo
2017-09-20 07:31:12 -
Lokal
1
164

Willemstad 19 di Sèptèmber, 2017 - Curaçao Ports Authority den koperashon ku Ministerio di Desaroyo Ekonómiko e aña aki a tuma e inisiativa pa organisá Dianan Marítimo ku lo tuma lugá djaweps i djabièrnè 28 i 29 di Sèptèmber riba Kleine werf. E tipo di eventonan aki ta ser organisá rònt mundu den e dianan aki i ta ser apoyá dor di International Maritime Organization (IMO) ku tin komo tema e aña aki: Connecting Ships, Ports and People. E meta di e tema di e aña aki ta pa enfatisá e retonan kompliká den e mundu marítimo.

E evento aki ta konsistí di dos parti di dia kual ta parti mainta i parti atardi. Parti mainta lo tin un konferensia pa muchanan di skolnan sekundario kaminda e hóbennan aki lo haña informashon di diferente kompanianan manera Maritiem Authoriteit Curaçao (MAC), Curaçao Pilots Organization (CPO) i tambe Kompania di Tou Kòrsou (KTK) i tambe di instansianan manera Carmabi, Coral Restoration Foundation i Greenkidz. E muchanan di skol  lo hasi tambe un rekorido den haf kaminda nan lo haña mas informashon di e diferente operadornan den haf i un bista di tur e proyektonan den haf di Willemstad.

Parti atardi di 5:00-10:00PM riba Kleine werf lo ta bai tin Dianan Habrí ku entrada kompletamente grátis pa públiko. Tur hende lo por bishita diferente booth di informashon, e cutter Jaguar di Wardakosta, un boto di tou di KTK, un boto di Citro i un trùk di brantwer ku lo duna diferente demostrashon. Tur esakinan pueblo di Kòrsou por wak di mas serka i tambe subi riba nan pa asina por tuma mas informashon di e trabounan ku nan ta hasi diariamente. Tambe ta bai tin trùk di pan Kòki riba blòki, diferente stand pa bende bebida, skina pa mucha ku bouncer, pintamentu di kara, bendementu di frio frio, popcorn, hot dog, etc.

Un evento asin’aki no ta kompleto sin nos bandanan lokal riba djaweps dia 28 di Sèptèmber ku ta Highway band i Dj Lu-C i djabièrnè dia 29 di Sèptèmber Loading band i Dj Carlito.

E evento lo kulminá e último anochi ku diferente boto ku ta drenta haf di Willemstad dòrna na lus ku lo djòin e evento na Kleine werf.

 

 

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.