Breaking News :
  • NO BREAKING NEWS
My Digicel App ta duna e kliente kontròl total
2017-09-20 07:35:07 -
Lokal
0
148

WILLEMSTAD -Nos ta bibando den un tempu na unda e kliente ta hopi mas eksigente i ta deseá di tin mas kontròl. Digicel komo un kompania di telekomunikashon ku semper ta inová, i ku ta sigui e último desaroyonan den teknologia di serka, a introdusí e My Digicel App na unda e kliente por aktivá i manehá su propio kuenta usando únikamente nan telefon. E aplikashon ta fásil i lihé.

 

E ‘My Digicel App’ ta ofresé e kliente posibilidat pa manehá su kuenta di Digicel i te hasta mira su saldo di krédito i data mesora for di su ‘home screen’.  Ademas di esaki por mira tur yamada hasí òf uso di data den pasado, haña un bista di tur plan ku Digicel ta ofresé i nan kosto, rekargá su telefon via di un tarheta di krédito, aktivá un Quick Pick Bundle òf kualke otro plan, tambe manda krédito pa amigu òf famia via di ‘gift data’ i ‘chat live’ ku departamento di servisio na kliente pa asistensia rápido. Tur esaki ta hasi ‘My Digicel App’ e aplikashon ideal pa tur usuario di Digicel! Tur kliente por hasi uso di e aplikashon aki grátis; lo no kita niun MB for di e total di data na momentu ku usa informashon i/òf kontenido for di e aplikashon aki.

 

Di akuerdo ku Kevin Kelly, direktor di Digicel Kòrsou, “Konstantemente nos ta buskando maneranan pa mehorá e eksperensia di nos klientenan pa loke ta trata uso di telefon mobil, pa nan por saka máksimo probecho di nan data, pues nos ta hopi entusiasmá ku e App. Manera ta konosí, nos mundu kada dia ta mas enfoká riba teknologia i data. Klientenan ke akseso na pelíkula, músika i retnan sosial pa un preis kumbiniente.”

 

Ora bo download e ‘My Digicel App’ e tin su benefisionan, ya ku e ta bin ku algun oferta úniko. E kliente por haña plan di Digicel na preis redusí, risibí mas data, ekstendé tempu pa usa kualke plan i probechá di ‘rollover’ ilimitá pa data i yamada.  Por ehèmpel, ora di aktivá un Quick Pick Bundle di 7 òf 30 dia riba e My Digicel App, e kliente ta risibí 5 biaha mas tantu data, òf ora di rekargá e kliente ta risibí krédito òf data komo bónus. Riba ‘My Digicel App’, klientenan por te hasta gana premio! Regularmente Digicel ta duna usuarionan di ‘My Digicel App’ oportunidat di gana premio manera, estadia den hotèl, sena pa dos, entrada pa evento i mas. Pa haña sá mas tokante e premionan bishitá e profil di Digicel riba Instagram, SnapChat, e página di Facebook di Digicel Curacao òf keda pendiente pa e promoshon via SMS. Por download e app via www.mydigicel.net.

 

 

Tokante Digicel Group

 

Digicel Group ta operá den 34 merkado den Karibe, Amérika sentral i Asia pasífiko. Despues di mas ku 14 aña e invershon mundial ta 5 bion dòler. E kompania ta konosí pa su mihó balor, su mihó servisio i su mihó ret.  Komo un kompania di komunikashon i ku ta entretené, nos ta enfoká riba pone nos klientenan na promé lugá. My Digicel App ta brinda e oportunidat pa komuniká i hasi negoshi usando e último teknologia den bo planta di man.

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.