Breaking News :
  • NO BREAKING NEWS
Direktor BT&P eligí komo Vise Presidente di Kongreso UPAEP
2017-09-21 06:58:23 -
Lokal
0
159

Awe durante e di 23 edishon di e kongreso UPAEP, ku a tuma lugá na Mexico, a eligí Direktor di Bureau Telecommunicatie en Post (BT&P) komo Vise Presidente di UPAEP (den representashon di Korsou). E posishon di Vise Presidente di e kongreso UPAEP ta pa un durashon di 4 aña. E di 23 edishon di e kongreso ta dura di 18 di sèptèmber te ku djabièrnè 22 di sèptèmber 2017.

UPAEP (Unión Postal de las Américas, España y Portugal) ta e organisashon intergubernamental internashonal representá pa e gobièrnu di 28 diferente pais rònt mundu. UPAEP tin komo meta prinsipal promové kolaborashon tékniko entre e paisnan miembro, organisashonnan postal i supervisornan di e merkado postal i protehá interesnan di nan miembronan.

UPAEP ta mantené komo puntonan di lansa ehekushon di su tareanan, promoshon di e kalidat di servisio postal rònt mundu, interoperabilidat i seguridat di e ret postal dor di hasi uso efisiente di fasilidatnan di ICT i mehorashon di e kolaborashon entre e gobièrnunan di e miembronan afiliá. Esaki na bienestar di e desaroyo di e sektor postal i interkambio di konosementu i informashon riba tereno di regulashon i di maneho gubernamental ku ta relatá na pòst.

UPAEP su empeño ta pa ehekutá su tareanan denter di e kuadro di e Strategia Mundial Postal di UPU (Universal Postal Union). A stipulá e strategia aki durante e Konferensha Mundial di Pòst na Instanbul 2016, pa e periodo di 2017 – 2010 i ta enserá 3 meta prinsipal: mehorashon di e interoperabilidat di e infrastruktura di e ret postal, salbaguardiá e produktonan postal duradero i moderno i promové e forsa di merkado den e sektor postal ku mester duna un kontribushon na desaroyo ekonómiko di e paisnan miembro.

 

Mas informashon tokante UPAEP: https://www.upaep.int/

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.