Breaking News :
  • NO BREAKING NEWS
Boka Beach Music Festival di 29 di sèptèmber pa 1 di òktober
2017-09-21 09:11:32 -
Farandula
0
761

Despues di basta dia, Boka Sami lo ta e sitio pa aktividatnan pa famia kompleto… dianan 29 i 30 di sèptèmber i 1 di òktober lo tuma lugá e promé edishon di Boka Beach Music Festival; un festival ku ta dediká na Dennis Cicilia kende tin 45 aña den nos farándula.

 

Durante di un konferensha di prensa ayera atardi na Restaurant Shon Muhé aya na Boka Sami, e organisashon ku señora Jacintha Constansia na kabes, a duna tur informashon riba e aktividat aki. Lo ta 3 dia kargá ku aktividat pa grandi i chikí for di 10or di mainta te 2or di mardugá.

 

E dianan lo konta ku entre otro torneo di domino, bonkuné, festival di karaoke, festival di kanto i naturalmente tur e diferente kompetenshanan deportivo i músika. Animashon musikal e dianan ei lo ta den mannan di entre otro ERA, Kompèr, Tony Conga, 4 by 4, Unique Sound, Big Up Band, All Star Band, tambú i dj RO-1.

 

E torneo di domino ta dediká na Jean-Mark Welvaart. Pa promé biaha lo tei dirigiendo huntu Jean Welvaart mes, Chin Martin i Junny Dorothea.E torneo lo ta djadumingu mainta 11or. 


E festival di karaoke lo tuma lugá na 5 diferente sitio riba djasabra for di 4or di atardi. Partisipashon ta fl. 25,- pa persona i ta dediká na Dennis Pinas.

 

Interesante tambe lo ta e festival di kanto “Boka pa Boka”, unda ku 12 kantante konosí lo interpretá 12 piesa komponé pa Ike Jesurun areglá pa Gedion Chandler. Nan lo keda kompañá pa Junior All Star Orchestra. E festival ta dediká na Manfred Feco Gomes, kende pa añanan largu tabata direktor di e skol einan. Esaki lo ta djasabra kuminsando 8or di anochi. E kantanenan ta:
1. Rasta Micheal 
2. Jesushen Bokshoven
3. Sherwin Anita 
4. Germain " Sami " Christina 
5. Darwing Gregg
6. Lady Sue
7. Eddy Reymondt
8. Sherwin Poulina "Win di mama "
9. Eleonora Dorothy 
10. Emsley Janga & Shanon Martha 
11. Dorothy Leal 
12. Cuco Brigita

E aktividatnan lo ta den diferente area: Fòrti, Kantina, Morti's Place, Restaurant Shon Muhe, Plenchi Shon Tin, Junny & Didi Place ,George Place/Waf/Balkon, Saliña "Zoutpan" i mas ku klaro na e beach.

TAGS :
Comments
Change  
Total 0 comments.
Other Farandula News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.