Breaking News :
  • NO BREAKING NEWS
Detenshon di 4 sospechoso pa violashon di Lei di Opio i Soborno
2017-09-26 07:34:15 -
Lokal
0
151

Detenshon di 4 sospechoso pa violashon di Lei di Opio i Soborno

Den kuadro di un investigashon penal ku ta andando relashoná ku violashon di Lei di Opio i tambe kaso di Soborno awe djaluna 25 sèptèmber 2017, alrededor di 06.00 or di mainta, personal di Divishon kontra di Krímen Organisá den koperashon ku KMAR a kontrolá un trahadó di imigrashon, e hòmber sospechoso H.R.E.C., 57 aña di edat, nasé na Kòrsou.

Durante kòntròl den vehikulo di e sospechoso H.C. polis a haña i konfiská algun paki di droga. Polis a detené e sospechoso aki. Un ratu despues a sigui un entrada hudisial relashoná ku lei di Opio den un kas situá den Curacaostraat. Na e kas aki polis di e Divishon kontra di Krimen Organisá a konfiská algun paki di droga i tambe un telefòn selular. Enkonekshon ku esaki a detené e hòmber sospechoso K.P.H., 58 aña di edat nasé na Kòrsou.

Kontinuando ku e investigashon den e kaso aki polis a tene un entrada hudisial na e kas di e sospechoso H.C. Na e kas aki nan a haña i konfiská un telefòn selular. Mas despues a sigui un entrada hudisial na un Residensia den e área di Kas Grandi. Na e kas aki polis a haña i konfiská un I-pad, telefòn selular, un arma (air soft).

Relashoná ku e kaso di soborno a detené un hende muhe M.F.V.L., 48 aña di edat, nasé na Portugal. Durante di investigashon na e adres menshoná a haña i detené un hende muhe M.Y.G.G., 26 aña di edat nasé na Venezuela. E persona aki ta permanesé riba nos isla sin ku su dokumentonan nesesario ta na òrdu. Kontinuando ku e investigashon den e kaso aki, a tene un entrada hudisial na e ofisina di e sospechoso M.F.V.L. situá den e área di Piscadera. Na e ofisina aki a konfiská un kantidat di dokumento ku ta di importansia pa e investigashon. A presentá e sospechosonan dilanti un fiskal ouksiliar ku a ordená nan enkarselamentu pendiente di mas investigashon.

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.