Breaking News :
  • NO BREAKING NEWS
Charles Jenkins den konsierto na Kòrsou 28 i 29 di òktober
2017-09-27 13:29:41 -
Farandula
0
625

Iglesia Protestant “Ebenezer Church”, ku hopi orguyo ta anunsiá e siguiente evento den kuadro di selebrashon di nan 88 aniversario, kua lo ta un konsierto di gòspel di taya internashonal ku “Pastor Charles Jenkins” direktamente for di Chicago.

 

E magno evento aki ta wòrdu organisá pa un grupo di hoben di Iglesia Ebenezer i ta pa tur grupo di edat na Kòrsou, Aruba i Bonaire.

 

Pastor Charles Jenkins ta un pastor di 42 aña, kantante ganadó di Grammy Award i un kompositor. El a kuminsá su karera musikal na 2012 unda el a saka su promé album yamá "The best of both worlds" i despues ku su di dos album "Any given Sunday" na 2015. E ta konosí pa e hit “Awesome”, un single ku a poné na tòp di Billboard.

 

Su 'single' mas resien yama Grace, ku aktualmente ta #7 riba Billboard charts, ta bisa: "I came this far by Faith. By Faith my future is bright. I walk by Faith and not sight. That's how I made it where I am today." Pues si bo tin e Fe den Dios, bo por logra tur kos ku bo pone bo dilanti i yega tur kaminda.

 

Mirando tur loke ta pasando rònt mundu aktualmente i en espesial na Kòrsòu, miembronan di Ebenezer Church ta konvensí ku nos hobennan mester di speransa transmití pa hoben mes i pa nan mira tambe ku tur kos ta posibel pa medio di Fe den Hesu Kristu. Pa e motibu ei a skohe e tema: “Rise Up!! Let your Faith shine!! “

 

E konsierto aki lo tuma luga riba dianan 28 i 29 di òktober próksimo:

Dia 28 di òktober lo tin e konsierto den “Sentro Desaroyo Integral Dr. Israel Leito” na Barbadosweg 11, orario di 8or pa 10or di anochi. Pastor Charles Jenkins lo ta e atrakshon prinsipal riba e anochi aki. Den pre-show lo bai tin “the-best-of-the best” den kantantenan di gòspel di Kòrsou manera Veanira Booy-Reed, Richard Engelhard, Lypson Franck Merisier, i grupo di baila ADONAI DANCE MINISTRY.  

 

Dia 29 di òktober lo tin un sirbishi di alabansa den “Cine Rio”, den kua Pastor Charles Jenkins lo duna un mensahe spesial di speransa spesialmente pa nos hobennan.

Tema di e veentonan aki ta basá riba Isaias 60:1. – “Rise up!! And let your Faith shine!!”

 

Preis di karchi pa e konsierto lo ta fl. 55,00. Unabes bo kumpra un karchi pa dia 28 di òktober, bo ta risibí un karchi pa asistí na e anochi di alabansa i adorashon di dia 29 di òktober.

 

Un toke spesial na e evento aki ta ku Pastor Charle Jenkins lo wòrdu kompañá pa un banda lokal ku ta “Sound of Heaven”. Puntonan di benta di e karchinan lo ta: “Mensing's Caminada, Kas di Beibel i Radio New Song”.

 

Tur lokual ku rekoudá for di e evento aki lo bai pa “Ebenezer Church” i nan ministerio.

TAGS :
Comments
Change  
Total 0 comments.
Other Farandula News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.