Breaking News :
  • NO BREAKING NEWS
Estreno Mas Pikete ku Pegasus den e mitelogia di Gresia
2017-09-27 13:42:32 -
Farandula
0
566

Pa di seis aña konsekutivo Estreno MAS Pikete(EMP) lo tei pa selebrá huntu ku pueblo di Kòrsou den karnaval 2018! Manera a bira un kustumber kaba Estreno MAS Pikete lo tei ku hopi ambiente, inovashon i kreatividat.

Djadumingu último Estreno MAS Pikete a presentá nan trahenan, diferente i impaktante ku nan lo desfilá kuné den karnaval 2018. E trahe ta bunita, luhoso i trendy, i ku un prèis pagabel pa un i tur por partisipá i yuda engrandese nos karnaval!

 Den un presentashon di trahe pa públiko den Riffort, Estreno MAS Pikete a revelá nan tema ku ta unu ku ta pone tur hende den marcha pero tambe na kantu, bula di alegria manera e kabai buladó ‘Pegasus’! Representando Pegasus den e mitelogia di Gresia e miembronan di EMP lo baila, gosa i bula sin fin den e kayanan di nos dushi Kòrsou.  

Un danki ta bai espesialmente na diseñadó Juan Carlos Padrino i Sra Rudt Sintiago ku semper tin nan diseñonan ku ta hala atenshon.

Mane nan ta bisa ‘ Never change a winning team’, e aña aki EMP lo bai un biaha mas ku su dos bandanan di aña pasá, esta nan banda di kas Dreams, e banda Dolce i tambe nan DJnan. Tur hende ta kustumbrá ku tur aña di nobo tin inovashon. Por spera esaki e aña aki tambe.  EMP ta un famia ku tin ambiente, kalor i hopi kreatividat! 

 

EMP ta invitábo pa like nan facebook page "Estreno Mas Pikete" pa asina tur hende por keda na altura di tur e trabounan rumbo pa Karnaval 2018. Pa mas informashon por subi nan website: www.estrenomaspikete.com òf por manda un meil na estrenomaspikete@gmail.com. 

TAGS :
Comments
Change  
Total 0 comments.
Other Farandula News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.