Breaking News :
  • NO BREAKING NEWS
Selebrashon di 55 aña ACU
2017-09-29 08:37:07 -
Lokal
0
193

Willemstad.- ACU, e Koperativa di Spar i Krédito di mas grandi na Kòrsou a wòrdu fundá dia 27 novèmber 1962. Un grupo di empleado di Gobièrnu Sentral i Insular a uni i a kontribuí na e fundeshi di ACU. Di e forma aki, tur empleado públiko na Kòrsou por a bira sosio. ACU a kuminsá ku un grupo di 35 persona. Den kurso di añanan e organisashon a krese i na aña 1983 e kantidat di sosionan a bira tres mil. Aktualmente, te ku e fecha di 25 sèptèmber 2017, ACU ta konta ku 28.675 sosio.

ACU tabata ubiká na kantor di Ontvanger den Punda, despues a muda pa Graham-Building den Punda, siguí pa e di dos piso di e edifisio di Bandera China den Punda. Seguidamente ACU a muda pa Scharlooweg 55 i for di aña 1992 te awor, ACU a keda establesé na Pater Euwensweg 7. Huntu ku esaki, tin un Branch na Scharlooweg, kaminda sosionan por hasi tur transakshon (no tin den kèsh akinan). E kresementu aki, ta debí ku a hasi diferente kambio di Statuut, ku a hasi posibel ku kompaníanan por pidi afiliashon na ACU i na momentu ku esaki keda aprobá, e empleadonan di e respektivo kompaníanan por afiliá. Un sosio ku tin un akuerdo di kombibensia ku su pareha, por hasi e pareha sosio. Sosionan por hasi nan famia, te ku di dos grado, sosio. Huntu ku e kresementu di nos sosionan, den transkurso di añanan, ACU a hasi kambio tantu na lokalidat komo na e kantidat di su empleádonan. Pa añanan ACU a bin ta protehá interesnan sosio-ekonómiko di su sosionan. Di e forma aki, ACU ta deseá di sigui desaroyá na un forma ekilibrá, na bienestar di tur sosio i nos komunidat.

Den kuadro di ‘International Day 2017’ i ACU su selebrashon di 55 aña di eksistensia, ta bai tin e siguiente aktividatnan:

Zero Hunger Walk:Pa di dos aña konsekutivo,relashoná ku International World Food Day (16 di òktober), nos ta tene un kaminata. E aña aki e fecha di e kaminata ta 15 di òktober 2017, 6or di mainta, saliendo for di Hòfi Pachi Wiwi, pasa den e naturalesa di Santa Barbara Plantation i terminá na Hòfi Pachi Wiwi. E kanadónan por skohe entre 3, 5 òf 10 kilometer pa kana. Karchi ya ta optenibel na ACU Otrobanda i tambe Brènch na Skalo na balor di Nafl. 10,00.Na Skalo por solamente swipe. Pa sosio i no sosio.

Seminario:Tema di International Credit Union Day 2017 ta: Dreams Thrive Here. Dia 18 òktober nos ta tene un seminario, kaminda 3 diferente orador ta bai mustra kon bo por hasi bo soñonan bira realidat pa medio di un Credit Union. E seminario aki ta tuma lugá na WTC pa 6 or di atardi.

27 di novèmber 2017:E dia aki ACU ta kumpli su di 55 aña ACU di eksistensia. Ta bai tin un Santu Sakrifisio di Misa, Na ACU Otrobanda, pa 5or atardi, siguí pa un bríndis, ta sende palu di Pasku i tambe grupo di aguinaldo.

ACU Family Day:Dia 3 desèmber di 12or di mèrdia pa 10or di anochi nos ta selebrá en grande. Ta bai tin diferente tènt di kuminda, kos di bebe i boka dushi na preis di sosio. Pa muchanan te ku16 aña tin diferente wega, gameroom i movie corner.Pa esnan mas grandi tin un programa hopi variá, ku diferente presentashon, hopi músika entre otro un ‘All Star Band’ ku artistanan lokal i tin den nan ku ta sosio di ACU. Nos ta sera e anochi ku Oreo for di Aruba, Rey di Tumba 2017 i finalmente un tremendo Show di Vürwèrk.  Finalmente mester bisa ku pa sosio i no sosionan tur ta bon biní.

 

 

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.