Breaking News :
  • NO BREAKING NEWS
ougùstùs 2017 Preisnan 0,1 porshento mas haltu kompará ku luna di yüli 2017; Inflashon na ougùstùs 2017 ta 1,2 porshento
2017-09-29 08:52:58 -
Lokal
0
281

E sifra índise di preis pa konsumidó (CPI, “Consumer Price Index”) di Kòrsou na luna di ougùstùs 2017 a oumentá ku 0,1 porshento, esta di 125,3 na yüli pa 125,4 na ougùstùs.

 

E kambionan di preis mas importante durante e luna ku ta tras di lomba (ougùstùs 2017) ta ku awa di kranchi (kategoria di konsumo “Bibienda”) a bira 5 porshento mas karu i gasolin (kategoria di konsumo “Transporte i komunikashon”) a bira 4 porshento mas barata.

 

Si kompará e periodo di e último 12 luna te ku ougùstùs 2017 ku mes periodo un aña anterior, ta resultá ku preisnan na averahe a subi ku 1,2 porshento. Inflashon na Kòrsou na ougùstùs 2017 pues ta 1,2 porshento. Komo ku e sifra di inflashon (1,2%) ta duna un indikashon di subida di kosto di bida, ta rekomendabel pa usa e sifra aki pa indeksashon di salario, penshun, ònderstant i otro entrada.

 

E CPI di ougùstùs 2017 (125,4) ta 0,8 porshento mas haltu ku e CPI di ougùstùs 2016, na kual momentu un CPI di 124,4 a wòrdu midí. E sifra aki (+0,8%) ta indiká ku e nivel di preis pa konsumidó durante luna di ougùstùs 2017 tabata 0,8 porshento mas haltu kompará ku luna di ougùstùs 2016.

Durante último 2 aña i piku (27 luna: yüni 2015 te ku ougùstùs 2017) e desaroyo di preis pa konsumidó ta variá:

Ø  primeramente un periodo di inflashon ku gradualmente ta bahando,

Ø  siguí pa un periodo di deflashon leve, i finalmente resultando

Ø  den e periodo desde desèmber 2016, ku inisialmente sero inflashon siguí pa un inflashon ku gradualmente ta oumentando.

 

 

E inflashon di 1,2 porshento na ougùstùs 2017 a resultá di ta e nivel di inflashon mayor durante e último 27 luna. Ku esaki kasi ta alkansá bèk e nivel di inflashon di mei 2015, den kual luna un inflashon di 1,3 porshento a wòrdu midí.  

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.