Breaking News :
  • NO BREAKING NEWS
Ekonomia di Bario por skapa ekonomia di pais
2017-10-02 08:39:48 -
Lokal
0
331

WILLEMSTAD.- Anke ekonomia ta stanká Boca Beach & Music Bash a kana hopi bon. Jacinta Constancia kende ta e motor tras di esaki a splika Último Noticia ku mester tin mas enfoke riba ekonomia di bario. Komo bario di Boca Sami, nan ta dispuesto na mustra e minister di ekonomia kon esaki mester bai. Den Boca Sami tur hende por saka nan mesa i stul pone pafó bende kos. Tempu ku esaki a bira negoshi i ku tabata kobra pa e dianan festivo, e merkado a kai. Ántes tabatin hopi aktividat akústiko pero a para esakinan. Awe a ensia ku esakinan bèk, por a mira moveshon den e bario.

Ekonomia di bario ta importante pa nos poblashon. Si pueblo di Kòrsou hasi e trabou manera Boca nos lo tin éksito. E bario ta biba di playa. Boka Sami tin 1000 kas di kual 990 ta traha ku sèn kua  drei den e bario Constancia ta bisa. Esaki ta nifiká ku e struktura di ántes ta yuda. E piskadó ta piska i e maskadera ta bende esaki. E kuestion di hende tin bèrgwensa ta algu ku ta tene bo atras. Bo mester realisá ku un hende mester por pone su produkto den su man i bende esaki ku su boka. E hende di Boca Sami ta servisial i semper bai tin moveshon. Boca Sami no sa tin hende bashí ya ku e ta bende ko’i lechi, kokada i piska den un forma servisial.

Den e bario tur dia tin fiesta òf otro aktividatnan.

 

Historia di bario ta importante. E bario di mas di 500 aña. El a lanta den tempu di guera pero a bira un haf pa piskadó. Tin Seri Fòrti, Flamingo i hopi atrakshon mas. E hende mester sa kiko ta su talento i bende su bario. E turista ku bini nos pais no kier e weiter ni e èrko, pero si e kier e laman pa e mes piska. Constansia ta splika ku ora mester e tin su dashi i bachi den parlamentu paso esei ta su trabou, pero ora e ta den bario, e ta e mucha di Boca Sami. E ta hasi apelashon na Minister Martina pa ban eksportá piska, ban bende boto. Mester por pone fábrika di piska na Boca Sami kual ta fásil pa e Saminero paso el a lanta den esaki.

 

 

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.