Breaking News :
  • NO BREAKING NEWS
Mas di shen (100) kupo di trabou na peliger,na Aeropuerto di Kòrsou
2017-10-02 08:42:07 -
Lokal
0
467

 

Komersiantenan lokal, 10 aña den aeropuerto a haña notisia na yüni 2017 ku

despues di a drei den tempu bon i malu di aeropuerto, nan tin ku bai kas

 

Palabranan di speransa blo bashí a ser trese dilanti na apertura di aña Parlamentario. Pero e

realidat ta otro. Si tuma nota di e akshonnan tras di kortina di e gobièrnu aktual, mas i mas

insertidumbre ta wòrdu krea i un maneho destruktivo ta wòrdu hiba den direkshon di

komersiantenan lokal i trahadónan yu di tera.

Despues ku pa hopi aña komersiantenan lokal a aportá den bon i den malu na aeropuerto

di Kòrsou, e komersiantenan aki ku ta manehá tiendanan den nos aeropuerto a wòrdu

notifiká despues di 10 aña di kontrakt i no opstante desaparishon di diferente aerolínea

manera Aeropostal, DAE i tambe problemanan ku Insel Air, e komersiantenan aki si a

keda i a pèrkurá pa servisio tur dia na aeropuerto, pero awor ta paga nan bondat i

solidaridat ku e mal notisia ku nan mester sera nan negoshinan i posiblemente bandoná

aeropuerto di Kòrsou.

Tantu e komersiantenan i trahadónan ta hopi preokupá ku e maneho di Curaçao Airport

Partners i e kompania di gobièrnu di Kòrsou ku ta doño di nos aeropuerto kual ta Curaçao

Airport Holding, ku direpente kier bai un destaho públiko pa “Food & Beverage Outlets”

(F&B) ku ta situá den e sala di salida. Esaki despues di dies (10) aña di invershon kuantioso

ku e komersiantenan aki a hasi den e fasilidatnan na aeropuerto.

Lokual ta mas preokupante pa e komersiantenan i trahadónan lokal ta ku a anunsiá un

destaho públiko, pero ya tin informashon sirkulando ku tur kos ta kla regla pa sin un

destaho públiko un grupo di un pais ekstranhero tuma over mayoria “outlet” di F&B na

nos aeropuerto di Kòrsou.

Kualkier areglo i/òf akuerdo ku ke hasi ku kualke kompania ekstranhero den tur sektor,

gobièrnu mester rekonosé esfuersonan di esnan lokal ku a duna servisio na un nivel haltu,

no opstante e karakter lokal simpel ku e komersiante por tin kompará ku kualke grupo mas

grandi di ekstranheria. Mester hinka komersiantenan lokal den kualkier dil pa asina kuida

nos komersiantenan lokal, sino bo no tin derechi di yama bo mes gobièrnu di Kòrsou.

Nos tin 11,000 hende awe na kas sin trabou kaba, ta ora nos yega e sifra di 20,000

desempleado òf ora tur hende ta na rudia, ta e ora ei numa gobièrnu lo kuminsá

traha riba proyektonan i desishon nan ku ta duna hende trabou? Esaki ta e futuro ku

nos ke duna i garantisa nos hendenan, nos yunan?

Frakshon di MFK lo no bai sinta man krusa i laga e komersiantenan i trahadónan di e

lokalidatnan di F&B den aeropuerto di Kòrsou pèrdè nan negoshi i/òf trabou pa

negligensia di nos gobièrnu. E komunikado aki ta e promé atvertensia pa gobièrnu. Kuida

nos komersiantenan i nos trahadónan yu di tera, si no bo ta haña bo ku frakshon di MFK

riba bosnan.

      
TAGS :
Comments
Change  
Total 0 comments.
Other Lokal News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.