Breaking News :
  • NO BREAKING NEWS
Lions Beer Fest djabièrnè awor
2017-10-04 08:25:32 -
Farandula
0
641

Djabièrnè awor dia 6 di òktober , ta dia di e “Lions Beer Fest” di Curaçao Lions Club na nan kas, esta Lanthùis Klein Kwartier di 7’or pa 10’or di anochi.


Durante di “Lions Beer Fest”, Curaçao Lions Club ta sirbi e diferente serbesnan ku nos distribuidornan lokal Licores Maduro, Leañez i Distribier ta representá. Nan patrosinio ta esensial na evento aki paso sin nan no tin un “Beer Fest” aki na Kòrsou. “Lions Beer Fest” tambe lo enfoká riba hermandat, alegria i di mes ku nos toke di ambiente lokal. Pa duna e totalidat un toke Aleman, Curaçao Lions Club huntu ku Curaçao Tourist Board ta trese e banda mas popular di Oktoberfest di Münich ku yama Pepi Kugler Band. E popular DJ Maarten Schakel tambe lo tei. E evento aki tambe ta ser patrosiná pa The Trader, De Gouverneur, Caribbean Cargo, Easy FM, Securitas i Maduro & Curiel’s Bank.


Manera semper ku tur fundraising di Curaçao Lions Club, tur fondo generá lo ser usá pa un bon kousa den nos komunidat. E biaha aki algun di e entradanan lo ser reservá pa yuda damnifikadonan di e orkan Irma na Isla’riba. Entrada pa “Lions Beer Fest” ta solamente ANG 125,- i ta inkluí serbes, sòft i kuminda ilimitá. Karchinan ta optenibel na Mensing’s Caminda, Van den Tweel Supermarkt Zeelandia i Jan Thiel i serka miembronan di Curaçao Lions Club.

 

Pa mas informashon por bishitá nos Facebook page www.facebook.com/Curacaolions òf por tuma kontakto ku Lion Gibi Goilo na 560 22 91.

 

TAGS :
Comments
Change  
Total 0 comments.
Other Farandula News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.