Breaking News :
  • NO BREAKING NEWS
Ayera kaso “ Hato zitting” a tuma lugá
2016-08-16 07:43:22 -
Korte
0
619

Ayera diferente tabata e kasonan ku a presentá dilanti Wes. Diferente hende ta trata ainda na pasa supstansha ilegal via di nos Aeropuerto Hato. E promé kaso ku a keda presentá ta di e hòmber Raishelon Doran. Riba 17 di mei 2016 a purba biaha pa Hulanda ku un kantidat di 275 gram di kokaina. Na momentu ku duana tabata hasi kontròl a haña den e hòmber su maleta e supstansha ilegal. Wes a haña ku e hòmber por para responsabel di su akto i a risibí un demanda di 12 luna di prizon, di kual 6 luna kondishonal i 3 aña di prueba.
A kontinuá ku e kaso di Jenny Seward, ku riba 29di Aprel 2016, a purba biaha pa Canada ku 1315 gram di kokaina. Loke tabata diferente den e kaso aki, ta ku dounan a haña dos diferente pakete den e dama su maleta pero a hasi tèst solamente na unu di e paketenan segun su Abogado. Tambe e abogado a pidi mas tempu pa por a wak e kaso di su kliente debí ku e la risibí esaki dia di e kaso, pero Fiskal a ninga su petishon debí ku esun e Fiskal e la risibí e tratado algun dia kaba den su baki. Fiskal a pidi 24 luna di prizon di kual 6 luna kondishonal i 3 aña di prueba. Wes a nai di akuerdo ku e petishon di Fiskal
Tambe a trata e kaso di un Maury Valerio. Riba 18 di aprel 2016 esaki a trata na biaha pa Hulanda ku un kantidat di 670 gram di kokaina den forma di un pasta. E sospechoso a deklará ku e la bini Kòrsou pa un siman ku intenshon di kumpra e droga den forma di pasta i pa asina biaha ku esaki. Tambe e la bisa ku e la paga 4 mil florin serka un hende ku e la topa den Otrobanda. Fiskal na su turno a bisa ku e no ta kere e historia aki debí ku 1 kilo den kaya di Kòrsou ta kosta 12 mil florin, i e no ta kere ku pa 4 mil florin e la kumpra kasi 700 gram di kokaina. Fiskal a pidi 18 luna di prizon di kual 9 ta kondishonal i 3 aña di prueba, Wes a bai di akuerdo ku Fiskal.
A kontinuá ku e kaso di Dayenne Oppenheimer, un dama Hulandes ku huntu ku su yu menor di edat a purba biaha pa Hulanda riba 12 di Aprel 2016 ku un kantidat di 2745 gram di kokaina. E dama a deklará ku e la bini Kòrsou ku fakansi i solamente tabata tin kontakto ku un persona riba e Isla di kual e no kera dibulgá su nòmber. E ta bisa ku porta e persona lo a pone e droga den su maleta. Fiskal a bisa ku loke e la haña jammer di e kaso ta ku e dama mester a laga su yu menor di edat pasa den algu ferfelu asina i mira kon polis ta bai ku su mama. Tambe Fiskal no a kere su historia i ta haña ku e señora tin ku para responsabel di su akto. E la pidi 24 luna di prizon di kual 12 kondishonal i 3 aña di prueba.
Ruige Cijntje a purba biaha pa Hulanda riba 3 di febrüari 2016 ku un kantidat di 44 bolita den su stoma.E hòmber aki a deklará ku ta 50 bolita e mester a guli pero su stoma no a tuma tur i mester a guli 44 bolita. Tambe e la bisa ku e lo mester a haña 1300 euro serka e doño di e droga. Su situashon finansiero ta hopi malu i asta a kita awa na su kas, debí na tur esaki e no a mira otro opshon pero purba pasa ku e droga pa Hulanda. Fiskal a bisa ku e tin algun pregunta di hasi na e hòmber pero komo esaki no a presentá dilanti Wes e ta pidi un demanda di 18 luna di prizon di kual 9 kondishonal i 3 aña di prueba.


TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.