Breaking News :
  • NO BREAKING NEWS
Fiskal Rip ke pa Wes komisario interogá Micheal Leesley
2016-08-23 07:52:07 -
Korte
0
523

A surgi un diskushon públiko profundo entre Fiskal di Ministerio Públiko Gerit Rip i e testigu Micheal Leesley e otro un banda. Manera ta konosí Fiskal Rip a hasi algun deklarashon ku a kousa iritashon serka Micheal Leesley. Leesley a bisa ku e ta fada ku Rip. E la bisa ku anteriormente e la keda detené pa algu ku e no tin nada di aber kuné i durante interogashon a bini ku e kaso di Helmin Wiels. Leesley a bisa ku e la wòrdu detené pa un asuntu di kimamentu di boto di Luigi Florentina na kandela, pero despues a wòrdu pone den libertat. Ayera mainta Leesley a bai radio i a habri afó formal kontra di e Fiskal Rip. E la bisa ku Rip a pone preshon pa e deklará tokante asesinato di H. Wiels. E la bisa ku Rip ta influensha testigu nan. Durante deklarashon Rip a hinka palabranan den su boka. Tambe Leesley a bisa ku si laga Rip ku e kaso di Wiels anto nunka e kaso di Wiels lo keda solushoná. Mas aleu Leesly a bisa ku Rip a purba konvensé pe menshoná nòmbernan di Gerrit Schotte Robbie Dos Santos i Jamaloodin. Mi ta shen por shento sigur ku Rip ta protehando un hende den e kaso di Wiels Leesley a bisa. Ta MFK Rip ke pinta malu den henter e kaso di Wiel, i e kaso ta un kaso polítiko Leesley a splika. Leesley a bisa ku dos reshèrshi a ofresé plaka pa e hasi sierto deklarashonnan. E reshèrshinan a bisé ku tin hopi sèn disponibel pa esun ku deklará den e kaso di Wiels. “Nan ta kere ku finansieramente mi no ta stabil” Leesley bisa. Mas aleu e la bisa ku nan ta poniendo su mama bou di preshon pa asina e preshoná ami esta Leesley pa e hasi sierto deklarashonnan. E kaso di Leesley na 2014tambe a bini dilanti. Den un reakshon di tur esaki nan e fiskal ku ta enkargá ku e kaso di Wiels Giano Schoop a bisa ku ta prensa no ta komprondé e kosnan bon, i ku durante e kaso Rip no a bisa loke a Sali den korant Schoop a bisa. E la bisa ku prensa a skibi ku Leesly lo a wòrdu aserka pa plania e asesinato di H. Wiels, fiskal Schoop a bisa Leesley a firma deklarashon pa ministerio Públiko, pero niun ora so Leesley no a bisa e loke ku nan ta bisa ku e la bisa. Rip a bisa ku un testigu bou di huramnetashon a bisa ku Leesley a wòrdu aserka dor di tersera i Leesley a ninga e oferta. A base di e deklarashon aki e la wòrdu aserka. Rip a bisa ku e ke pa awor bou di huramnetashon e ke tende Micheal Leesly pa bin un fin na e bululú nan aki. Rip a bisa ku na 2014 Leesly a menshoná nòmber di Nini Fonseca, remarkabel ta e echo ku Leesley a keda kondena pa gañamentu. Leesley lo mester a bira víktima di un tiramentu i a akusá Kani i Felix di esaki. Despues a resultá ku ta gaña e la gaña i mester a pone hendenan den libertat. Fiskal Schoop a bisa ku tur e kosnan ku Leesley a bisa na radio, gaña Leesley ta gaña i ku niun di e kosnan aki no ta bèrdat. 

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.