Breaking News :
  • NO BREAKING NEWS
Fiskal a pidi 12 aña di prizon pa ruman kua hinka ruman mata
2016-08-25 07:53:07 -
Korte
0
483

J.Iradi (65) ta ser akusá di a hinka su ruman hòmber E. Iradi mata e mardugá di 1 di Yanüari 2015. E kaso tabata unu ku a shòk Kòrsou. Debí ku ta trata di dos ruman hòmber ku ta biba huntu den un kas. Mester bisa ku e sospechoso ta den libertat mientrastantu ku su kaso ta bou di tratamentu, J.Iradi a sufri heridanan grave na su man, ku te awe e ta bou di tratamentu i ya a ópera su man dos biaha kaba. Sikiater a bisa ku porlo pronto laga e sospechoso den libertat te ora ku speshalistanan kaba di atendé kusu man, ya komo ku den Prizon esaki no ta posibel. Deklarashon di e sospechoso ayera mainta: E la yega kas mardugá 1 di yanüari despues di tiru, e la mira su ruman hòmber den kushina. E la Sali un ratu pafó bek i despues bolbe drenta kas. Na dado momentu e Víktima ku ta su ruman hòmber E. Iradi a kuminsá diskutí kuné pero e sospechoso ta bisa ku e no tabata komprondé muchu bon kiko su ruman tabata bisa, i e la bisa e ruman pa legumai e kos ei ku mañan mainta nan ta papia. Debí ku e sa ku su ruman tabata bou di influensha di kokaina i alkohòl. Den e kas na e momentu ei tabata e dos rumannan presente i e pareha di e víktima E.Iradi. E dama den su deklarashon a bisa ku enbèrdat e dos rumannan aki konstante mente tabata den diskushon, debí ku e sospechoso no tabata aportá finansieramente den e kas. I ku bèrdat e víktima tabata uza droga regularmente. Pero ku e sospechoso tabata bou di influensha di alkohòl konstantemente. Tambe e la deklará ku e anochi di e insidente e tabata den kamber i a la skucha un diskushon entre e dos rumannan, i ku enbèrdat e sospechoso a bisa e víktima legumai e kos aki mañan nos ta papia. E víktima tabata rabia e anochi ei paso su ruman no a ni sikiera bisé bon aña. E sospechoso a sigui konta ku na dadomomentu e la logra sera e porta i e ruman a kontinuá bati su porta. E la logra habri e porta i a start un bringamentu entre nan dos, e ta kòrda ku su ruman tabata tin un kuchú den su man i na dado momentu su ruman lo a kòrta su man i tambe e la haña un kap den su kabes. E mira su ruman kai na suela riba su pechu i e la pasa banda di e ruman bai pafó. E ta bisa ku e no ta kòrda nada mas ku por a pasa. E pareha di e víktima ta bisa ku e la skucha un di nan bisa lagami lagami, i despues e la tende e sospechoso bisa “bo mes a buska, awor e kos a kaba”. Pero e tabata den su kamber i no a mira nada. Rapòrt di e eksperto a revelá ku J tabata tin rabia warda paden. Mas aleu e sikiater a bisa ku e no a konstatá otro estorbonan, loke ta nifiká ku J tabata kompletamente responsabel pa su echonan. E sikólogo ta haña si ku no por dun’é hopi kulpa debí ku e tabata bou di influensha di alkohòl. Fiskal no ta kompartí e opinion aki. Ta trata di dos ruman ku ta hasi e kaso difísil, pero e deklarashon di e sospechoso por evaluanan riba bèrdat Fiskal a bisa. John a bisa ayera ku e no ta kòrda masha kiko a pasa. E fiskal a bisa ku ta probabel paso e kos a pasa den ménos ku 5 minüt.
E yunan di e víktima a hasi un petishon di daño i perhuisio. Kosto di e entiero i tambe retraso ku mester a paga di e kèlder di famia pa asina dera e víktima. Fiskal a rechasá e petishon aki.
Fiskal ta haña prueba ku e sospechoso a kometé e akto konsiente i a pidi un demanda di 12 aña di prizon. Wes lo dikta sentensia 14 di Sèptèmber.

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.