Breaking News :
  • NO BREAKING NEWS
Mas maltrato doméstiko den korte ayera
2016-08-25 07:57:03 -
Korte
0
408

Ayera tabata tin otro kaso mas di maltrato doméstiko. E sospechoso J.J. (25) nase na Kòrsou a ser akusá ku riba 27 di febrüari 2016 lo a maltratá su pareha. Segun e sospechoso su pareha a fia su outo, pero e dama a tarda i J. Lo a bèl e dama pa puntr’é ta na unda e la keda. E dama lo a bisé kue ta na kas. Pero e sospechoso mes tabata na kas. E sospechoso a rabia masha paso e dama tabata gaña. Ora ku dama a yega kas, e lo mester a start un diskushon. E sospechoso ta bisa ku e tabata rospondé hopi agresivo i esei a kousa ku nan diskushon a bai un poko mas leu. E ta bisa ku ta un biaha e la dal e dama. E dama a deklará na polis ku e hòmber lo a bent’é for di outo i tambe a dal su kabes kontra e porta di kas. Pero e sospechoso ta ninga esaki. Fiskal a mustra algun imágen ku e dama lo mester a saka huntu ku e polisnan. Segun rapòrt di polis e dama lo a sufri basta sla,debí ku esaki tabata tin vários plek blou. E bisiña nan lo a tende e bringamentu entre e pareha i a yama polis. E sospechoso a bisa ku e polisnan a keda pone preshon riba e dama pa esaki deklará den su kontra. Wes a bisa J. Ku e ta konosí pa hustisia pa otro delitunan pero no pa maltrato. Wes a puntra e sospechoso si e ta lamentá e kaso i e la bisa ku si i tambe ku e no ke tin nada mas di aber ku e dama aki. Fiskal a pidi un demanda di 6 luna di prizon kondishonal i 2 aña di prueba, tambe e lo tin di haya yudansa serka FMA pa e por kontrolá su nervionan. Wes a bai di akuerdo ku e petishon aki. 

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.