Breaking News :
  • NO BREAKING NEWS
Tur sèn konfiská di Dos Santos pa kaha di gobièrnu
2016-08-30 10:23:10 -
Korte
0
750

WILLEMSTAD – Ni Robbie dos Santos ni Ministerio Públiko a bai den apelashon den kaso Bientu di manera ku e sentensha di dia promé di aprel di e aña aki ta keda na vigor i ta bira awor irevokabel. Dos Santos ta keda ku un kastigu kondishonal di dos aña i loke a konfiská lo keda pa estado. Ta trata di un suma di 75 mion florin ku a konfiská na Merka i 15 mion florin na Kòrsou. E suma ku a konfiská na Merka lo ta repartí entre Kòrsou, Sint Maarten i Merka. E suma di 15 mion florin na Kòrsou lo bai pa belasting di Kòrsou pa paga e debe ku Dos Santos tin na fiskalia. Dos Santos den e tempu di prueba di 3 aña mester yega na un akuerdo final ku Servisio di Impuesto riba e totalidat di debe. Fuentenan bon na altura a konfirmá ku a yega na un akuerdo den último dianan i por spera un anunsio ofishal den e próksimo oranan. Un di e desishonnan tambe ta ku a disidí ku no ta sigui ku e kaso di ekspropiá loke e rifero tin i ku a anunsiá den korte. Ku esei e negoshi por keda habrí i tur trahadó por keda ku nan trabou komo ku e kompania por sigui traha normalmente. E kaso bientu a kuminsá for di 2009 i a kulminá na 2014 i 2015 ku diferente entrada. E akuerdo ku a sera ta nifiká ku no ta sigui e proseso largu di apelashon ni di cassatie ku lo a tuma algun aña mas promé ku e konkluí.

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.