Breaking News :
  • NO BREAKING NEWS
Fiskal a repartí 9 aña di prizon pa 7 sospechoso ku a trata na importá droga i arma di kandela for di Venezuela
2016-09-01 08:33:45 -
Korte
0
465

Ayera a kontinuá e kaso kaminda 7 sospechoso, 5 Venesolano i 2 yu di Kòrsou,
O.Ramones
R.Hernandes
J.Bracho
S.Akino
C.Sanchez
I e dos yunan di Kòrsou T.Martinez i R. Wijnman. Nan a presentá dilanti Wes pa kontinuá tratado di nan kaso. E hòmbernan ta sospecha ku riba 8 di aprel 2016 a purba importá droga i tambe arma di kandela via di laman prosedente di Venezuela. Ongeveer 42470 gram di mariwana i ongeveer 21080 gram kokaina tambe armanan di kandela, 7 arma di kandela na total.
Wes a duna kada unu oportunidat pa duna nan reakshon di loke nan ta wòrdu sospecha di dje i pa nan mes splika kiko tabata nan ròl den e kaso. E hòmber O. Ramones di Venezuela a splika kon henter e transportashon a tuma lugá debí na nesesidat. S. Akino i C.Sanchez tabata na bordo di e barku, e sobra sospechosonan ya tabata kedando riba nos Isla kaba. Nan lo a ser paga mil florin pa buska e paketenan i entreganan. Wes a puntra e sospechosonan tur detaye di for di momentu ku e paketenan a wòrdu benta for di un boto te na momentu ku polis a detené nan. Na momentu ku polis a yega nan lo tabata tin e botin di droga den outo kaba i tambe e tas kue armanan aden. Durante e tratamentu di e kaso tabata tin basta konfushon den e sospechosonan, debí ku na promé instante polisnan a deklará ku e sospechosonan a benta arma for di e outo. Den nan promé deklarashon nan tur a duna un vershon diferente i ayera e deklarashon nan a bolbe wòrdu kambia. E hòmbernan Venesolanonan tabata ilegal na Kòrsou i a huntu ku dos yu di Kòrsou a importá droga i tambe arma di kandela. Tur e Venesolano nan a purba konvensé Wes ku debí na e krísis na Venezuela nan ta imigrá bini Kòrsou pa asina nan por traha den bou i tambe limpiesa pa nan por kria na famianan na Venezuela. Niun momentu so nan tabata sa ku nan ta bini Kòrsou pa trese droga. Pero Wes no a kere nan debí ku a haña nan ku bastante droga i armanan di kandela. Tambe a haña vários kombersashon via di PIN, ku ta kondena nan den e kaso. Nan a atmití ku nan tabata metí den e kaso pero ku nan no tabata na altura ku ta un kantidat grandi asina di droga i arma tabata tin E Venesolano J Bracho i e yu di Kòrsou Wijnman a haña un kastigu di 48 luna di prizon. Pa tur sobra sospechoso Wes a duna nan 60 luna di prizon. 

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.