Breaking News :
  • NO BREAKING NEWS
Fiskal a pidi demanda di prizon pa polisnan ku a maltratá víktima
2016-09-01 08:37:15 -
Korte
0
608

Ayera a trata un kaso penal kontra 2 polis di warda di polis Otrobanda, polis J.J.A. (45) i T.R.B.C. (31). Nan ta ser sospechá di entre otro maltrato di un sospechoso i uso no-outorisá di outoridat. Ta kasonan ku a tuma lugá 27 sèptèmber 2015 den bario di Panamá i den un sel na Rio Canario i 10 di òktober 2015 riba kaya públiko. Tur 3 biaha e mesun persona tabata víktima, esta e hòmber S.S.C. (22).
S.S.C. a ser maltratá na 2 okashon. El a sufri leshon na entre otro kara, garganta, skouder i ámbos wowo. E maltrato, sigun testigunan den Panamá, a tuma lugá ku man, moketa, bui i bleki di gas lakrimógeno. E maltrato tabata asina severo ku e víktima mester a bai poli klínika pa kose su herido nan i haña otro tratamentu médiko. Polis A. tabata sospechá S.S.C. di a hòrta 2 tayer di un baiskel. E kaso a sali kompletamente for di man na momentu ku polis A. a presentá den bario di Panamá pa atendé e denunsia di un señora.
Fiskal di Ministerio Públiko (OM) a akusá e 2 polis di entre otro violensia eksesivo i uso di violensia desproporshonal. E polisnan a violá, sigun Fiskal, artíkulo 2:275, artíkulo 2:276 i artíkulo 2:360 di Kódigo Penal di Kòrsou. Hechonan serio ku a kousa hopi daño i trema innesesario na e víktima. E polisnan na nan turno a purba di defendé nan mes pero Fiskal a hasi un demanda pa J.J.A. di 18 luna prison di kual 6 luna kondishon, 3 aña proeftijd i 5 aña ku e no por ehekutá su trabou komo polis (ontzetting uit ambt). Pa T.R.B.C. 6 luna prison kondishonal, 3 aña proeftijd, un kastigu di trabou di 240 ora i 3 aña ku e no por ehersé trabou komo polis (ontzetting uit ambt).
E víktima a entregá un daño perhuisio di 44.692 florin. Esaki ta pa entre otro kubri un renchi orea i un kadena di oro. Ámbos a kibra durante su maltrato. Sobrá di e montante ta pa kubri trouma ku el a sufri.
Wes ta duna sentensia aki 3 siman.


 

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.