Breaking News :
  • NO BREAKING NEWS
Dia 16 di òktober Japan NV lo por lanta 10 mion florin for di e kuenta blòkiá di New India na MCB
2016-09-08 08:07:50 -
Korte
0
512

Djaluna último korte a trata e kaso ku Japan NV a kuminsá kontra e kompania di seguro New India Insurance pa logra haña pago di un claim di 10 mion florin. Manera ta konosí den un sentensia ku korte a dikta anteriormente a keda stipulá ku New India no por a proba den korte ku ta Japan NV òf un di su direktornan intenshonalmente lo a sende òf laga sende e edifisio di Japan NV na Heintje Kool na kandela. Korte a duna New India un luna di tempu pa bin ku prueba ku e kandela a keda sende intenshonalmente ku petroli i kerosin. Djaluna último New India no por a presentá ningun prueba den korte pero a pidi wes pa nan bin ku dos eksperto fo’i Ulanda di Cunningham & Lindsay den persona di Verwey i Willemse den un intento pa purba konvensé korte ku e kandela a keda sende intenshonalmente. Korte a bai di akuerdo pa laga e dos ekspertonan di Cunningham & Lindsay testiguá na fabor di New India pero e wes a dikta mesora ku korte lo dikta sentensia dia 16 di òktober próksimo. Anteriormente Japan NV a pone “beslag”, a embarga tur kuenta bankario di New India , pero New India a habri un kuenta bankario na Banko Maduro e asina yama “kuenta tersera” i a pone e suma di 10 mion florin riba e kuenta si dado kaso e sentensia di dia 16 di òktober awor kai na fabor di Japan NV. Basa riba e sentensia di dia 16 di òktober awor Japan NV lo por lanta e 10 mion ku a keda depositá riba e kuenta blòkiá na Banko Maduro. Tur kos ta pinta ku e kompania di seguro New India lo pèrdè e kaso debí ku den korte New India no por a proba korte ku e kandela na Heintje Kool a keda sende intenshonalmente. Abogado Wiek Herben a defendé Japan NV i Michael Bonapart a kuida e interes di e kompania di seguro New India.

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.