Breaking News :
  • NO BREAKING NEWS
Korte a deklará e eks bankero Eric Garcia bankrut
2016-09-21 08:33:27 -
Korte
0
489

Debí ku e no a koperá ku hustisia i tin peliger ku e por hui korte a ordená pa bolbe detené Garcia. Ta siman pasa a pone Garcia temporalmente den libertat i djaluna korte a dikta ku Eric Garcia ta bankrut. Bosero di ministerio públiko a konfirmá ku a manda Eric Garcia e sentro di detenshon i korekshon. Siman pasa e abogado Valerie Maria ku ta atendiendo e bankarota di Banco di Maracaibo a pidi korte pa deklara Garcia bankrut. Abogado Maria ta spera ku e lo por rekuperá e plaka di 10 mion dòler ku Eric Garcia a malversá. E 10 mion dòler ta nesesario pa sera e boekinan di Banco di Maracaibo. A pidi banka rota di Eric Garcia ta pa por haña un bista di su kapital. Eric Garcia no a presentá den korte dia ku a trata su bankarota pero ela oponé e desishon di korte pa deklar’é bankrut. Wes lo pone un fecha pa tende Eric Garcia. Anteriormente Garcia a bisa ku mas tarda 15 di ougùstùs elo depositá e 10 mion dòler bek. Ta bin aserka ku Eric Garcia a malinformá wes komisario dia ku e último aki a atendé e kaso di bankarota di Banco di Maracaibo. Korte a opina ku Garcia ta hopi na Venezuela i na Merka i komo tal korte ta teme ku e no por kumpli ku su obligashonnan finansiero si e hui bai fo’i Kòrsou. Na ougùstùs 1994 a deklará Banco di Maracaibo fayit. Debí na su konosementu di e mundu bankario venezolano a nombra Eric Garcia curator den e bankarota. Ta kusa Garcia ku ela malversá 10 mion doler i a falsifiká un ekstrakto di kuenta di Banko di Maracaibo.

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.