Breaking News :
  • NO BREAKING NEWS
KLIENTENAN DI FUNDASHON KAS POPULAR TA BAI KÚMINSÁ KASONAN DEN KORTE KONTRA MINISTER CAMELIA-RÖMER
2016-09-27 07:36:08 -
Korte
0
573


KLIENTENAN DI FUNDASHON KAS POPULAR TA BAI KÚMINSÁ KASONAN DEN KORTE KONTRA MINISTER CAMELIA-RÖMER

T’asina ku Fundashon E Hende tin 2 aña ta vosiferá mal kontentu di klientenan di Fundashon Kas Popular den nos komunidat.
Hopi esfeurso a ser hasí di parti di FEH pa Gobièrnu kompronde ku e tin ku pidi dispensa na e Pueblo pa hopi asuntunan ku a bai di un forma no korekto i asina perhúdikando miles di famíanan den nos komúnidat. Gobièrnu a ninga di kompronde ku ta huntu na mesa nos por resolbe e problemanan ku a ser krea durante añanan. Un di e kehonan fundamental ta ku Gobièrnu a violá e derechi fundamental di e hürdonan di FKP dor di keda sin promove benta di kasnan di Pueblo i asina habri e oportunidat pa e hürdonan por a bin na nan propio kas komo propiedat manera ta e deskripshon i deseo di e lei AB 1962 no. 13 manera kambia. Tambe mester bin korekshon di benta pa e kasnan di Pueblo ku a ser bende ku preisnan inkorrekto i pa esnan ku a kobra interés di fiansa kontra lei usando un AB den un desishon di benta ku no ta eksistí. E hecho aki ta sumamente grave i ta kasi igual ku falsifikashon di dokumento. Pero lamentablemente no tin seriedat serka e titularnan ku ta karga e responsabilidatnan di Fundashon Kas Popular. Nan no tin ni e desensia di sikiera a kontesta kartanan di FEH ni kartanan manda pa e propio klientenan. Por konkluí ku Gobièrnu a krea e impreshon ku e hürdonan ku ta pertenesé na e Pueblo húmilde no ta konta. Defensor di Pueblo ta yega na e mesun konklushon ku Gobièrnu no ta ehersé bon gobernashon debí ku nan tambe ta haña ku minister ta ninga di kumplí ku e deber di kontestá kartanan i atendé ku problemanan di klientenan di FKP.
Awor a yega e ora pa nos Pueblo bai buska nos derechinan den Korte i nos a enkargá e huristanan pa prepará e kasonan korespondente.
E kasonan ku nos ta bai hiba Korte – ta di Hürdonan ku pa años a hasí petishon pa kumpra nan kas di Pueblo i Gobièrnu ta ninga di bende esaki ku nan – Kumpradonan di kasnan di Pueblo ku ta pidi restitushon di plaka bèk pa e motibu ku Gobièrnu a bende nan e kas na un preis inkorekto i tambe a kobra interés di fiansa abasé di un lei ku no ta eksistí – Húrdonan den e bario di Koraal Specht ku apart di a bende e kas ku nan na un preis inkorekto a keda sin apliká e lei den kua ta ser spesifiká un deskuento adishonal pa motibu di mal konstrukshon.
Fundashon E Hende a preferá di negoshá na mesa usando e modelo di dialogo i asina yega na un akuerdo ku ta karga e aprobashon di ambos partido. Lamentablemente e Minister konserní, sra. Mr. Camelia-Römer a skohé e modelo di represaya i manipulá e Pueblo ku informashonnan inkorekto kontra FEH.
Mas después Fundashon E Hende lo yama un reunion pa informa e klientenan di FKP.
 

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.