Breaking News :
  • NO BREAKING NEWS
Awe sentensia kaso “Kade” Wilsoe (PS) i Jorge Jamaloodin komo sospechoso den asesinato Wiels
2016-10-03 09:28:14 -
Korte
0
1325

Awe wes komisario ta disidí si e parlamentario di partido Pueblo Soberano Elmer “Kade” Wilsoe i e eks minister di finansa Jorge Jamaloodin ta keda komo sospechoso den e kaso di asesinato di Helmin Wiels. Manera ta konosí un dokumento di RST a lèk denominando tantu Elmer “Kade” Wilsoe komo Jorge Jamaloodin di ta sospechoso den e kaso di asesinato di Helmin Wiels. Ministerio públiko ta sospecha “Kade” di a provoká e asesinato di Wiels dor di ku e ta e delaster persona ku lo ta tin kontakto ku Wiels na e telefon di Wiels pa hasi un sita pa nan topa ku otro. “Kade” ke limpia su nòmber komo sospechoso i a pidi wes komisario pa limpia su nòmber komo sospechoso. Djaweps siman wes komisario a skucha Elmer “Kade” Wilsoe den presensia di su abogado Everett Wilsoe i wes komisario a splika ku awe e ta dikta sentensia si “Kade” ta keda sospechoso si òf no. Pa loke ta trata Jorge Jamaloodin ministerio públiko ta akus’é di a duna Burney Fonseca alias “Nini” un saku di papel ku 400 mil florin kèsh aden pa parti pa esnan ku a keda instruí pa laga mata Helmin Wiels. Elvis Kuwas alias “Monster” a deklará ku “Nini” no a dun’é e suma ku a primintié pe tira Helmin Wiels mata. Anthnoy Bertinus alias “Pencho” a deklará den e korant ulandes “Trouw” ku e tabata den piskalat huntu ku “Nini” i ku “Nini” lo a kont’é ta ken a pone e sèn pa laga mata Wiels i ku ‘Nini a duna e “Pencho” 20 mil florin. Jorge Jamaloodin ke pa wes komisario limpia su nòmber komo sospechoso i djaweps último via e sistema “Skype” ela pidi wes komisario pa deklar’é inosente den e kaso di asesinato di Helmin Wiels. Anteriormente wes komisario a pone Jamaloodin den libertat paso e investigashon finansiero ku OM a hasi no tabata kompleto pero e dia ei wes komisario a bisa Jamaloodin ku e ta keda sospechoso. Awe sentensia den kaso di Elmer “Kade” Wilsoe i Jorge Jamaloodin komo sospechoso den asesinato Wiels.
 

TAGS :
Comments
Change  
Total 0 comments.
Other Korte News

Instagram

5000 bubu aki den bo man!!! Ki bo di?? Www.facebook.com/mil.ku.sambil.korsou

A video posted by Ultimo Noticia (@ultimonoticia) on

Facebook
Archive Search
- -
La Prensa | Ultimo Noticia Online
© Copyright 2013 http://laprensaultimonoticia.com.