Breaking News :
  • NO BREAKING NEWS
Videos - Abitantenan NO tin awa pa baña i menos laba djente!!
Comments
Change  
Total 0 comments.
Other Videos
Date Added : 2017-06-28
Viewed : 2362
Description : Willemstad – Abitantenan i komersiantenan situá den area di Rooseveltweg i Buena Vista ta sumamente disgustá ku e manera di traha di Aqualectra. Lamentablemente 27 di Yuni 2017 Aqualectra a publiká un anunsio riba ret sosial ku ta splika tokante di un Mantenshon di Awa den e barionan menshoná i algun bario den besindario. Aparentemente e mantenshon tabata entre 27 di Yuni 2017 11or di anochi te ku 28 di Yuni 2017 4or di mardugá. Por lo tantu abitantenan lo no por hasi uzo di Awa dor ku esaki ta será i despues di mantenshon por sufri di molèster di awa brùin. Un periodista di Ultimo Noticia a kuminsá risibí reklamo di siudadanonan ku tin ku lanta mainta trempan bai traha òf bai skol. Ultimo Noticia a disidí di tuma kontakto ku Aqualectra splikando e mal kontentu di diferente siudadano i aki e personal di Aqualectra a splika e periodista di Ultimo Notcia ku pa 6or di mainta esaki ta keda kla. Despues ku 7or di mainta a bati, periodista di Ultimo Noticia a bolbe tuma kontakto ku Aqualectra i aki un meneer di fam D. a splika e periodista ku e “ploeg” ku a traha anochi pa mardugá no a logra di kaba e trabou, ku otro palabra e trabou a “loopuit”. E mener ta sigui splika ku e “ploeg” ku tin ku subi parti mainta aki ta na kaminda i no sa presisamente ki ora e trabou ta kaba. Por lo tantu abitantenan di bario ariba menshoná no por hasi uzo di awa. Remarkabel ta ku 5or di mardugá un periodista di Ultimo Noticia a presentá na e sitio ku e mantenshon ta tumando lugá i no a konstatá nada straño. Awe 7or mainta e periodista di Ultimo Noticia ta konstatá kon kantidat di awa ta bashando for di e pipa ku ta BOU DI MANTENSHON. Si un trabou no ta kla, ta dikon ta habri e pipa di awa tòg? Komo medio di komunikashon ku ta stima tur kompania lokal ku ta ofresé su servisionan di kalidat na nos siudadanonan, Ultimo Noticia ke hala atenshon di Aqualectra ku e trabounan ku ta ser hasí.
Popular Videos
La Prensa | Ultimo Noticia Online
© Copyright 2013 http://laprensaultimonoticia.com.